Birjan Nurymbetov múgedekterdi ońaltý júıesine enetin jańashyldyqtardy atady

NUR-SULTAN. QazAqparat – Eńbek jáne halyqty áleýmettik qorǵaý mınıstri Birjan Nurymbetov múgedekterdi ońaltý qyzmeti boıynsha otandyq júıeniń bir kemshiligin atap, bul baǵytta naqty qandaı ózgeris engeli jatqanyn aıtyp berdi, dep habarlaıdy QazAqparat tilshisi.

«Nur Otan» partııasynyń respýblıkalyq qoǵamdyq qabyldaýynda Eńbek jáne halyqty áleýmettik qorǵaý mınıstri múgedekterdi ońaltý júıesine enetin jańashyldyqtar týraly sóz qozǵady.

«Bizde múgedekterdi ońaltý qyzmetimen qamtamasyz etý júıesi mynadaı: múgedek adamda tańdaý múmkindigi joq, oǵan kúshtep tańý úrdisi qalyptasyp qalǵan. Mysaly, múgedekter arbasy bolsyn, basqa da ońaltý quraldary tańdaý quqyǵynsyz beriledi. Memlekettik satyp alý júrgizilgennen keıin tasymaldaýshy sony jeńip alady da, minekeı, osyny alyńyz dep bere salady. Sol úshin jumystyń barlyq baǵytyn júıeli túrde ózgertip jatyrmyz. ıAǵnı, aldaǵy ýaqytta elimizde qyzmet portaly iske qosylady. Memlekettik satyp alýdan onyń bárin alyp tastap, tasymaldaýshynyń kóp bolǵanyn, múgedekterde tańdaý múmkindigi bolatyndaı júıe jasap jatyrmyz. ıAǵnı, múgedek jandar tańdaý quqyǵyna ıe bolýy kerek», - dedi Birjan Nurymbetov.

Mınıstrdiń sózine sensek, bul júıe 2020 jyly kúshine enedi.

«Jalpy, biz bul baǵytta jumysty kúsheıtýdi josparlap otyrmyz», - dedi ol.

Aıta ketsek, Eńbek jáne halyqty áleýmettik qorǵaý mınıstrimen búgingi kezdesý barysynda «Mıras» qorynyń prezıdenti Júzbaı Serikuly Zaǵıptar úıiniń jobasyn tanystyrǵan bolatyn.

Óz kezeginde Birjan Nurymbetov mundaı jobany bastap otyrǵan belsendi azamatqa alǵysyn bildirip, jobany qoldaıtynyn jetkizdi.