Birjan Nurymbetov memlekettik qyzmetshilerge syılyq berýge qatysty pikir bildirdi

NUR-SULTAN. QazAqparat QR Eńbek jáne halyqty áleýmettik qorǵaý mınıstri Birjan Nurymbetov memlekettik qyzmetshilerge syılyq berýge qatysty pikir bildirdi, dep habarlaıdy QazAqparat tilshisi.

Ortalyq kommýnıkatsııalar qyzmetindegi baspasóz máslıhatynda jaqynda Parlament memlekettik qyzmetshige syılyq syılaýǵa tyıym salatyn qujatty qabyldaǵany aıtyldy. «Jalpy , Eńbek mınıstrine buǵan deıin baǵaly syılyqtar berý áreketi boldy ma?», - dep surady tilshi vedomstvo basshysynan.

Óz kezeginde B. Nurymbetov jas kezinen memlekettik qyzmette júrgenin atap ótti.

«Syılyq alýdan aýlaqpyn. Ony meniń qaramaǵymda isteıtin, qatar isteıtin áriptester jaqsy biledi. Sondyqtan syıylyq aldym dep aıta almaımyn. Vıtse-mınıstr qyzmetin atqaryp júrgen kezde kompanııalar resmı kezdesýlerge kelip, kitapshalar alyp keletin. Tıisti zańnamaǵa sáıkes, onyń barlyǵy ótkizilýi kerek bolatyn. Bizdiń kómekshilerimiz olardy birden ótkizip jatatyn. Atap aıtqanda, memlekettik qyzmetshige syılyq syılaýǵa tyıym salatyn zańnamalyq talapty óte durys dep sanaımyn», - dedi mınıstr.

Eske sala ketsek, Májilis depýtattary Qazaqstanda erler men áıelderdiń zeınet jasyn 60-qa deıin tómendetýdi usynǵan edi.