Birjan Nurymbetov Qaraǵandynyń áleýmettik nysandaryn aralady
Qaraǵandy qalasynyń jumyspen qamtý ortalyǵynda jáne «Qaraǵandy oblysynyń qarttar men múgedekterge arnalǵan №2 medıtsınalyq-áleýmettik mekemesi» MM-de bolyp, QR Prezıdenti Qasym-Jomart Toqaevtyń Qazaqstan halqyna Joldaýynyń negizgi baǵyttaryn túsindirdi.
Halyqty jumyspen qamtý ortalyǵynyń qyzmetkerlerimen kezdesý barysynda, Birjan Nurymbetov Memleket basshysynyń Joldaýynda áleýmettik aspektilerge nazar aýdara otyryp, bıznesti qoldaýdyń jańa nysandaryn belsendi engizý – otbasylyq bıznesti qurý, birinshi kezekte kóp balaly jáne az qamtylǵan otbasylar úshin qajettigin aıqyn atap ótti. Sondyqtan HJQO qyzmetkerleri osy otbasylardyń eńbekke qabiletti múshelerin ónimdi jumysqa tartýǵa erekshe nazar aýdarýy tıis.
«Memleket basshysynyń kópbalaly analardy shaǵyn jáne orta bızneske tartý jónindegi tapsyrmasyn júzege asyrý úshin Nátıjeli jumyspen qamtýdy jáne jappaı kásipkerlikti damytýdyń «Eńbek» memlekettik baǵdarlamasyna ózgerister engiziledi. Jańa bıznestiń turaqtylyǵyn qamtamasyz etý maqsatynda kópbalaly otbasylar jobalary úshin mıkrokredıt berý merzimin ulǵaıtý usynylady. Kredıtti óteý boıynsha qarjylyq júktemeni tómendetý úshin biz nomınaldy syıaqy stavkasyn tómendetýdi usynamyz. Jetkilikti kepil múlki joq otbasylar mıkrokredıtterdi kepildendirý tetikterin aýyl men qalaǵa bólmeı biryńǵaı operator arqyly taratý josparlanyp otyr», – dedi mınıstr.
Atalmysh kezdesýden soń QR Eńbek jáne halyqty áleýmettik qorǵaý mınıstri «Qaraǵandy oblysy Qaraǵandy qalasynyń qarttar men múgedekterge arnalǵan №2 medıtsınalyq-áleýmettik mekemesi» MM jáne «Qaraǵandy oblysy Saran qalasynyń psıhonevrologııalyq medıtsınalyq-áleýmettik mekemesi» KMM-de bolyp qaıtty.
Joǵaryda kórsetilgen uıymdardyń basshylarymen kelissózder barysynda Birjan Nurymbetov múgedektigi bar adamdarǵa áleýmettik qyzmetterdiń sapasyn jaqsartý jáne qol jetimdiligin qamtamasyz etý – Qazaqstan Prezıdenti Qasym-Jomart Toqaevtyń saılaýaldy baǵdarlamasynda qoıylǵan negizgi mindetterdiń biri ekenin atap ótti. Memleket basshysy erekshe qajettilikteri bar adamdar úshin teń múmkindikter jasaýǵa erekshe nazar aýdarýdy «syndarly qoǵamdyq dıalog – Qazaqstannyń turaqtylyǵy men órkendeýiniń negizi» atty Joldaýynda da jasady.
«Bıylǵy jyldyń mamyr aıynda 2025 jylǵa deıin múgedektigi bar adamdardyń quqyqtaryn qamtamasyz etý jáne ómir súrý sapasyn jaqsartý jónindegi jańa ulttyq jospar qabyldandy. Ol áleýmettik qorǵaý, bilim berý, densaýlyq saqtaý, áleýmettik qyzmetkerlerdiń biliktiligin arttyrý sharalarynyń keshenin qamtıdy. Bizdiń búgingi basty mindetimiz – bul barlyq deńgeıdegi Ulttyq jospardyń sharalaryn sapaly iske asyrý, múgedektigi bar adamdardy tehnıkalyq quraldarmen jáne ońaltý qyzmetterimen qamtamasyz etý. Olardyń ómir súrý sapasyn arttyrýdy, táýelsizdikke qol jetkizýdi, áleýmettik, kásibı qabiletterin saqtaýdy jáne ómirdiń barlyq aspektilerine qosýdy qamtamasyz etý qajet», – dedi Birjan Nurymbetov.
Sondaı-aq, mınıstr «Arselor Mıttal» AQ basshylyǵy men eńbek ujymymen kezdesýdi josparlap otyr.
