Birjan Nurymbetov eńbekaqy boıynsha eń kóp bereshegi bar úsh óńirdi atady

NUR-SULTAN. QazAqparat – Eńbek jáne halyqty áleýmettik qorǵaý mınıstri Birjan Nurymbetov Úkimet otyrysynda el azamattarynyń eńbek quqyǵyn qorǵaý baǵytynda qandaı sharalar qabyldaǵanyn baıan etti, dep habarlaıdy QazAqparat tilshisi.

«Búgingi tańda resmı statıstıka boıynsha elimizdegi jumys istep turǵan 324 myń kásiporynda 6 mıllıon 650 myńnan astam jumysker eńbek etýde. Olardyń jalaqysy byltyrǵy jylmen salystyrǵanda orta eseppen 6,9 paıyzǵa ósip otyr. Dúnıejúzilik ekonomıkalyq forýmnyń jahandyq básekege qabilettilik ındeksiniń 2019 jylynyń qorytyndysy boıynsha eńbek naryǵy tıimdiligi reıtıngisinde Qazaqstan 30-shy orynnan 25-shi orynǵa kóterildi», - dedi Birjan Nurymbetov Úkimet otyrysynda.

Mınıstrdiń aıtýynsha, eńbek qatynastaryna qatysty máseleler kezeń-kezeńimen oń sheshimin tabýda.

«Birinshisi – eńbekaqynyń ýaqytynda tólený máselesi. Búgingi kúni eńbekaqy boıynsha jalpy bereshegi 724 mln teńgeni qurap otyr. Ol jyl basynan beri 49 paıyzǵa nemese 696 mln teńgege azaıdy. Degenmen onyń ishinde óńirler bólinisinde eń úlken bereshek Mańǵystaý, ShQO jáne Almaty oblystaryna tıesili», - dedi ol.