Bırjada dollar baǵamy sál nyǵaıdy

ALMATY. KAZINFORM — Qazaqstan qor bırjasynda (KASE) shetel valıýtasy naryǵyndaǵy saýda-sattyq aıaqtaldy.

Kúndizgi saýda qorytyndysy boıynsha dollardyń ortasha baǵamy 536,76 teńge bolyp, 1,67 teńgege ósti. Ulttyq banktiń 9 qyrkúıekke belgilegen resmı baǵamy – 535,13 teńge.

Kurs.kz deregine sáıkes, Almatydaǵy aıyrbastaý pýnktteri dollardy ortasha eseppen 537,55 teńgeden satyp alyp, 539,48 teńgeden satyp jatyr. Eýro 629,51–633,66 teńge, al rýbl 6,38 - 6,51 teńge aralyǵynda.

Astanada amerıkalyq valıýta 536,00 teńgeden satyp alynyp, 541,00 teńgeden satylyp jatyr. Eýro 627,00-637,00 teńge, al rýbl baǵamy 6,40–6,55 teńge aralyǵynda.

Shymkenttegi aıyrbastaý oryndarynda dollar orta eseppen 535,92 teńgeden satyp alynyp, 538,96 teńgeden satylyp jatyr. Eýro 625,96 – 631,36 teńge sheginde, rýbl 6,40-6,50 teńge kóleminde.

Aıta keteıik, 8 qyrkúıektegi kúndizgi saýda qorytyndysy boıynsha, dollar baǵamy 535,13 teńge bolyp, 2,64 teńgege arzandaǵan edi.