Biryńǵaı jınaqtyq tólem salyǵy týraly neni bilý kerek

Azamattar jańa salyq jaıynda neni bilýi kerek? Biz osy taqyryp tóńiregindegi negizgi saýaldardy jınaqtap, jaýap berýge tyrystyq.

Bul salyqty kimder tóleıdi?

Ózin-ózi jumyspen qamtýshylar. Ol jumysshy jaldamaı, ózi túrli qyzmet kórsetip júrgen jeke tulǵa bolýy tıis. Bul topqa úı sharýasymen aınalysyp otyrǵan áıelder, bala kútýshi, otbasylyq kólik júrgizýshi, taksıst, páterin jalǵa beretin azamattar, qosymsha sharýashylyq qojaıyndary kiredi.

BJT tóleýshiler tabysynyń shektik mólsheri qandaı?

Jyldyq alǵashqy tabysy 1175 AEK aspaýy kerek. 2019 jyly ol 2 966 875 teńge bolady. Eger paıda osy somadan joǵary bolsa, azamat BJT tóleýshilerdiń qataryna kirmeıdi.

Birińǵaı jınaqtyq tólemniń kólemi qandaı?

Qala turǵyndary úshin onyń somasy 1 AEK aspaıdy, ıaǵnı 2 525 teńge. Aýyldy jerlerdegi turǵyndar úshin 0,5 AEK, nemese 1263 teńge.

Tólengen qarjy qaıda túsedi?

Memlekettik korporatsııanyń banktik shotyna túsedi de, úsh kúnde úsh qorǵa bólinedi: zeınetaqy, áleýmettik saqtandyrý jáne medıtsınalyq saqtandyrý. Azamat tirkelgen jerdegi salyqtyq organǵa tabys salyǵy da aýdarylady.

Jınalǵan aqsha BJT qatysýshylar arasynda qalaı bólinedi?

Qarjy paıyzdyq úles boıynsha bólinedi:

- 30% zeınetaqy qoryna;
- 40% medsaqtandyrýǵa;
- 20% áleýmettik saqtandyrý qoryna;
- 10% tabys salyǵyn tóleýge.

Maǵan Mindetti medıtsınalyq saqtandyrý qorynan ne paıda?

Siz medıtsınalyq saqtandyrý júıesine qatysasyz. Tegin medıtsınalyq kómektiń kepildendirilgen kólemi aıasynda medıtsınalyq qyzmet kórsetiledi. Al MÁMS paketine kiretin medıtsınalyq qyzmettiń tizimi daıyndalýda.

Medsaqtandyrý júıesine qatysqan ýaqyt pen jınalǵan qarjynyń kólemi mańyzdy ma?

Joq. Ózge qorlarǵa qaraǵanda, medıtsınalyq saqtandyrý qory jınaqtaýshy bolyp eseptelmeıdi. Tólengen BJT aqshasy bir aıǵa jaramdy. Adam osy ýaqyt aralyǵynda saqtandyrylady. Qor úshin BJT

1 qańtarda nemese 15 qańtarda tólendi me, aıyrmashylyǵy joq. Tóleýshi sol aıdyń sońyna deıin ǵana saqtandyrylady, ıaǵnı 30 qańtarǵa deıin.

BJT bir jylǵa aldyn ala tóleýge bola ma?

Joq. BJT qatysýshylary aldyn ala bir jylǵa tólem jasaı almaıdy, biraq, olar bir toqsanǵa tolyq tólem jasaýyna bolady. Mundaı múmkindik zań júzinde qaralǵan. Sonymen qatar, BJT salymshylary óz betterinshe de tólem jasap, ózderi MÁMS qatysýshy retinde tirkele alady. Mundaı jaǵdaıda bir jylǵa aldyn ala tólem jasaýǵa bolady. Olar aıyna 1 AEK 5 paıyzyn nemese 2 125 teńge tóleıdi. Eger 12 aıǵa kóbeıtsek, jylyna 25 500 teńge shyǵady.

BJT qalaı tólenedi?

BJT qolma-qol aqshamen jáne elektrondyq túrde tóleýge bolady:

- Termınalmen;
- Ekinshi deńgeıli bankter;
- Qazposhta.

BJT tóleýshilerdiń jeke kásipkerlerden artyqshylyǵy ne?

- Eń tómengi tarıf. BJT boıynsha tólenetin soma jeke kásipker nemese derbes salyq tóleýshi aýdaratyn aqshadan aıtralyqtaı az;

- Ýaqytty únemdeısiz. Tóleýshiler aqshany birneshe qorǵa bólip, ýaqyt joǵaltpaıdy, olar úshin munyń bárin Memlekettik korporatsııa jasaıdy;

- Ońaı jáne qarapaıym tólem túri;

- JK retinde tirkelýdiń qajeti joq. Deklaratsııa tapsyrý, esepshi jaldaý kerek emes, salyq organy aıyppul salady dep qaýiptenbeısiz.