Biryńǵaı jınaqtaýshy zeınetaqy qorynyń aktıvin Ulttyq bank basqarady
ASTANA. 12 naýryz. QazAqparat - Biryńǵaı jınaqtaýshy zeınetaqy qorynyń aktıvin Ulttyq bank basqaratyn bolady. Bul týraly búgin Májiliste «Qazaqstan Respýblıkasyndaǵy zeınetaqymen qamsyzdandyrý týraly» jańa redaktsııadaǵy zań jobasyn tanystyrý barysynda málim boldy.
Eńbek jáne halyqty áleýmettik qorǵaý mınıstri Serik Ábdenovtiń aıtýynsha, zeınetaqy aktıvteriniń kiristiligin qamtamasyz etý maqsatynda zań jobasymen Qordyń zeınetaqy aktıvterin QR Ulttyq banki Zeınetaqy aktıvterin basqarý jónindegi keńespen bekitilgen ınvestıtsııalyq strategııaǵa sáıkes basqaratyn bolady.
«Zeınetaqy aktıvterin basqarý jónindegi keńes Qazaqstan Respýblıkasy Prezıdentiniń janyndaǵy konsýltatıvtik-keńesshi organ retinde qyzmet etedi. Bul rette keńes QR Úkimetiniń, QR Ulttyq bankiniń ókilderinen, qarjy naryǵyna qatysýshylardan jáne táýelsiz sarapshylardan turatyn bolady. Bul rette atalǵan Keńestiń derbes quramy QR Prezıdentimen bekitiletin bolady»,-dedi mınıstr.
