Biryńǵaı jınaqtaýshy zeınetaqy qoryndaǵy zeınetaqy jınaqtarynyń somasy 4,099 trln. teńgeni qurady
ALMATY. QazAqparat - Biryńǵaı jınaqtaýshy zeınetaqy qorynyń zeınetaqy sharttarynyń barlyq túrleri boıynsha salymshylardyń jeke shottarynyń sany 9 865 876-ǵa jetip, zeınetaqy jınaǵynyń somasy 4,099 trln. teńgeni qurady. Bul týraly Almatyda ótken jıyn barysynda «Biryńǵaı jınaqtaýshy zeınetaqy qory» AQ basqarma tóraǵasy Medeýsheeva Dolores aıtty.
Onyń aıtýynsha, 1 qańtardan bastap engizilgen zeınetaqy jarnasynyń jańa túri - mindetti kásiptik zeınetaqy jarnalary boıynsha jarnalardyń somasy 6,2 mlrd. teńgeden asty. Jyl basynan beri mindetti kásiptik zeınetaqy jarnalary boıynsha 270 000-nan astam shart jasaldy. Endi shamamen 7 myńǵa jýyǵy jasalý ústinde. Olar BJZQ derekter bazasyna engizilýde.
Jumys berýshi mindetti kásiptik zeınetaqy jarnalaryn qyzmetkerdiń aı saıynǵy tabysynyń 5 paıyzy mólsherinde tóleıdi.
«2014 jyldyń 1 sáýirinen bastap «BJZQ» AQ-nan zeınetkerlik jasqa jetken salymshylar (alýshylar) úshin zeınetaqy tólemderiniń jyldyq somasynyń ortasha mólsheri 28 620-ǵa kóbeıdi jáne 652 080 teńgeni qurady (eń tómen zeınetaqynyń 30 eselengen mólsheri). Biryńǵaı jınaqtaýshy zeınetaqy qorynan zeınetaqy tólemderin kóbeıtýge eń tómengi zeınetaqy mólsherin ulǵaıtý áser etti. Qazaqstan Respýblıkasy Prezıdentiniń tapsyrmasy aıasynda aǵymdaǵy jyldyń 1 sáýirinen bastap bul kórsetkish 21 736 teńgege deıin ósti. Bıylǵy jyldyń basynan 1-maýsymǵa deıin BZJQ tarapynan 31 mlrd. teńgeden astam qarjy tólengen», - dedi D.Medeýsheeva.
Qazirgi tańda barlyq jınaqtaýshy zeınetaqy qorlary salymshylarynyń (alýshylarynyń) jeke zeınetaqy shottary Biryńǵaı jınaqtaýshy zeınetaqy qorynda shoǵyrlandy.
Ekinshi kezeń aıasynda qazirgi ýaqytta barlyq jınaqtaýshy zeınetaqy qorlarynan salymshylar týraly tarıhı aqparat pen qaǵaz jáne elektrondy tasymaldaýyshtaǵy muraǵattardy berý boıynsha jumys júrýde.
BJZQ burynǵy 5 zeınetaqy qorynyń salymshylaryn 2013 jyldyń 1 qańtarynan bastap 2014 jyldyń 1 shildesine deıingi aralyqta ınvestıtsııalyq tabysy kórsetilgen zeınetaqy jınaqtary týraly málimetpen qamtıtyn bolady.
Sonymen qatar, qazirgi kezde BJZQ-nyń, salymshylardyń zeınetaqy jınaqtarynyń jaı-kúıi týraly aqparat berý qyzmetin elektrondy formatta Memlekettik qyzmetter tizilimine qosý boıynsha sharalary qabyldanýda. Osy baǵytta BJZQ mınıstrliktermen, vedomstvolarmen birlese jumys jasaýda. Bolashaqta kez kelgen salymshy óziniń zeınetaqy qorynyń jaı-kúıi men ınvestıtsııalyq tabysy jaıly e-gov portaly arqyly nemese kez kelgen halyqqa qyzmet kórsetý ortalyǵynan biletin bolady.
