Biryńǵaı jınaqtaýshy zeınetaqy qory salymshylardyń 4 trln. teńgesin jınady
ASTANA. QazAqparat - Biryńǵaı jınaqtaýshy zeınetaqy qoryna ótkizilgen zeınetaqy aktıvteri 4 trln. teńgege jýyqtady.
Bul týraly búgin Ortalyq kommýnıkatsııalar qyzmetindegi baspasóz máslıhatynda QR Ulttyq bankiniń tóraǵasy Qaırat Kelimbetov málim etti.
Budan buryn bul qarjy mememlekettik qundy qaǵazdarǵa, «Samuryq-Qazyna» qorynyń baǵaly qaǵazdaryna, sondaı-aq túrli valıýtalyq tetikter men aktsııalarǵa, jeke sektordyń oblıgatsııalaryna ornalastyrylǵan edi.
«Biz qazirgi kezde osy aktıvter men mindettemelerdi Biryńǵaı jınaqtaýshy zeınetaqy qoryna tapsyrý boıynsha jumysty aıaqtadyq»,-dedi Q. Kelimbetov.
Onyń sózine qaraǵanda, Memleket basshysynyń sheshimimen qurylǵan zeınetaqy aktıvterin basqarý boıynsha keńeste bul qarjyny budan ary qaraı ornalastyrý máselesi talqylanbaq.
