Biryńǵaı jınaqtaýshy zeınetaqy qory kommertsııalyq emes uıym bolyp tabylatyn aktsıonerlik qoǵam túrinde qurylatyn bolady
ASTANA. 12 naýryz. QazAqparat - Biryńǵaı jınaqtaýshy zeınetaqy qory kommertsııalyq emes uıym bolyp tabylatyn aktsıonerlik qoǵam túrinde qurylatyn bolady. Bul týraly búgin Májiliste «Qazaqstan Respýblıkasyndaǵy zeınetaqymen qamsyzdandyrý týraly» jańa redaktsııadaǵy zań jobasyn tanystyrý barysynda málim boldy.
Eńbek jáne halyqty áleýmettik qorǵaý mınıstri Serik Ábdenovtiń aıtýynsha, zań jobasy elimizdegi zeınetaqymen qamsyzdandyrý zańnamasyn jetildirýge baǵyttalady. Sonymen qatar Memleket basshysynyń tapsyrmasyna sáıkes jınaqtaýshy zeınetaqy júıesiniń ınstıtýtsıonaldy bazasyn damytý kózdeledi.
«Bul rette biryńǵaı jınaqtaýshy zeınetaqy qoryn qurý qarastyrylǵan. Kommertsııalyq emes uıym bolyp tabylatyn aktsıonerlik qoǵam túrindegi Qordyń birden-bir aktsıoneri Qazaqstan Úkimeti bolady. Al, qordy qurý salymshylardyń jeke zeınetaqy shotttaryn basqarý jónindegi qyzmettiń ashyqtyǵyn qamtamasyz etýge baǵyttalady. Osyǵan baılanysty qorda salymshylardyń jeke zeınetaqy shottarynyń júıesi saqtalatyn bolady»,-dedi mınıstr.
Zań jobasyna sáıkes qordyń negizgi fýnktsııasy mindeti zeınetaqy salymdary, erikti kásibı zeınetaqy salymdary men erikti zeınetaqy salymdaryn tartý bolyp otyr. Sondaı-aq, mınıstrdiń aıtýynsha, zeınetaqy salymdarynyń saqtalýyn qamtamasyz etý maqsatynda Qordyń zeınetaqy aktıvterin saqtaýdy Qazaqstannyń Ulttyq banki júzege asyratyn bolady.
