Biryńǵaı jınaqtaýshy zeınetaqy qory engizilgende qoldanystaǵy zeınetaqy qorlarynyń jelisi óńirlerde saqtalady - G. Marchenko
ASTANA. 12 naýryz. QazAqparat - Biryńǵaı jınaqtaýshy zeınetaqy qory engizilgende qoldanystaǵy zeınetaqy qorlarynyń jelisi óńirlerde saqtalyp qalady. Bul týraly búgin QR Parlamenti Májilisinde «Qazaqstan Respýblıkasyndaǵy zeınetaqymen qamsyzdandyrý týraly» jańa redaktsııadaǵy zań jobasyn tanystyrý rásiminde QR Ulttyq banki tóraǵasy Grıgorıı Marchenko málim etti.
Tóraǵanyń aıtýynsha, Biryńǵaı qordy engizý barysynda qazirgi zeınetaqy qorlarynyń fılıal jelileri saqtalady. «Óıtkeni, ondaǵan myń ótinishterdi salymshylar ózderiniń zeınetaqy qorlaryna joldaıtyny belgili, endeshe onymen de bireý aınalysýy kerek. Sol úshin qajettiliktiń bárin jasaımyz, alaıda ondaǵy qyzmetkerlerdiń bári birdeı jumysynda qala almaıdy», dedi G.Marchenko.
Sonymen qatar, atalǵan zań jobasyna arnalǵan baspasóz máslıhaty barysynda UB tóraǵasy eger Biryńǵaı zeınetaqy jınaqtaýshy qoryna jas mamandar kelse, olardy naryqta bar dúnıelerge paıdalanatynyn atap ótti. «Naryqtyq ekonomıkanyń zańdylyǵy sol - biz básekelestik ortada ómir súrýdemiz. Sondyqtan eger bilikti, qabiletti maman bolsa, olardy tartýǵa tıispiz. Bul jalpy maǵan da qatysty, men de óz ornyma jastardyń kelgenin qatty kútip júrmin jáne ondaılar bolsa shyn yqylasymmen Ulttyq bank tizginin berýge daıynmyn», - dedi G. Marchenko.
