Biryńǵaı jınaqtaýshy zeınetaqy qory bir aıda 4,2 mıllıon qyzmet kórsetti
Bul ótken 2020 jyldyń sáıkes kezeńimen salystyrǵanda 2,6 ese kóp. Aıta ketý kerek, ósim elektrondyq qyzmetter boıynsha da, BJZQ fılıaldarynda tikeleı kórsetilgen qyzmetter boıynsha da boldy.
Vırtýaldy keńistikte Qordyń qyzmetterin 3,9 mıllıon salymshy aldy, bul kórsetilgen qyzmetterdiń jalpy kóleminiń 92% quraıdy. Ótken jylmen salystyrǵanda onlaın qyzmetterdiń tanymaldylyǵy úsh ese ulǵaıdy. Esterińizge sala keteıik, BJZQ saıtynda da, mobıldi qosymshasynda da bar jeke kabınettiń kómegimen salymshylar úıden shyqpaı-aq, jeke zeınetaqy shotynan úzindi-kóshirme, JZSh-nyń bar-joǵy týraly anyqtama ala alady. Zeınetaqy jınaqtarynyń somasyn ishinara paıdalaný jáne (nemese) IPB-ǵa aýdarý úshin tekserip, óz derektemelerine ózgerister men tolyqtyrýlar engizip, 1 nemese 2 toptaǵy múgedektiktiń merzimsiz ýaqytqa belgilenýine baılanysty zeınetaqy tólemderin taǵaıyndaý týraly ótinish bere alady.
Salymshylardyń bir bóligi burynǵysynsha Qazaqstan boıynsha ornalasqan Qor fılıaldaryna ótinish bildirýde. BJZQ bólimshelerinde salymshylar 312 myń qyzmet aldy, bul ótken 2020 jylmen salystyrǵanda 35,9 myń qyzmetke kóp.
BJZQ mindetteriniń biri – Qordyń salymshylary men alýshylary úshin sapaly keńes berý qyzmetterin kórsetý jáne aqparattyq arnalardy damytý ekenin atap ótý mańyzdy. 2021 jylǵy qańtarda keri baılanys arnalary boıynsha salymshylar jasaǵan ótinishterdiń sany bir jyl burynǵy kórsetkishtermen salystyrǵanda úsh eseden astam artty. 2021 jyldyń birinshi aıynda 252,5 myń ótinish, al 2020 jyldyń qańtarynda 78,8 myń ótinish berildi.
Esterińizge sala keteıik, BJZQ salymshylary men alýshylary 1418 nómiri boıynsha call-ortalyqtan (Qazaqstan boıynsha qońyraý shalý tegin) keńes ala alady, sondaı-aq, keńesterdi www.enpf.kz korporatıvtik saıtynan, +7 777 000 14 18 nómiri boıynsha WhatsApp jáne Viber chat-bottary arqyly jáne Facebook, Instagram, VKontakte, Twitter, Telegram, Odnoklassnıkı áleýmettik jelilerindegi BJZQ resmı paraqshalarynan alýǵa bolady.