Biryńǵaı jınaqtaýshy zeınetaqy qory aktıvteriniń 20 paıyzy shetelge ınvestıtsııalanbaq
ASTANA. 9 qyrkúıek. QazAqparat - Qazaqstan aldaǵy 3-5 jyldyń ishinde «Biryńǵaı jınaqtaýshy zeınetaqy qory» AQ (BJZQ) aktıvteriniń 20 paıyzyn shetelge ınvestıtsııalaýdy josparlap otyr. Bul týraly QR Ulttyq bankiniń tóraǵasy Grıgorıı Marchenko málim etti, dep habarlaıdy Halyqtyq IPO baǵdarlamasynyń resmı saıty Reuters agenttigine silteme jasap.
«Jınaqtaýshy zeınetaqy qorlarynyń portfelindegi sheteldik baǵaly qaǵazdardyń úlesi qazir shamamen 10 paıyzdy quraıdy. Bul jerde jarııaly-quqyqtyq uıymdar shyǵarǵan ári halyqaralyq qor bırjalarynda aktsııalar men oblıgatsııalar túrinde satylyp jatqan baǵaly qaǵazdar jaıly áńgime bolyp otyr. Zeınetaqy aktıvteri jeke ınvestıtsııalar men hedjıngtik qorlar tárizdi balamaly quraldarǵa ınvestıtsııalanbaıdy», - dedi G.Marchenko Reuters agenttigine bergen suhbatynda.
Sondaı-aq, Ulttyq bank tóraǵasy qazirgi tańda Ulttyq qordyń aktıvteri shetelge ınvestıtsııalanyp jatqanyn, alaıda ýaqyt óte kele ol qarjynyń bir bóligi Qazaqstandaǵy qoldanystaǵy jobalarǵa salynýy múmkin ekenin aıtty. «Bul JZQ-ǵa tıesili sheteldik baǵaly qaǵazdar úlesiniń ulǵaıýyna alyp kelýi múmkin», - dep qosty ol.
