Biryńǵaı jınaqtaýshy zeınetaqy qorlarynyń zeınetaqy qaǵıdalaryna ózgeris engizildi
Qazaqstan Respýblıkasy Úkimetiniń qaýlysy
2015 jylǵy 28 qazan, Astana, Úkimet Úıi, №846
«Biryńǵaı jınaqtaýshy zeınetaqy qorynyń zeınetaqy qaǵıdalaryn bekitý týraly» Qazaqstan Respýblıkasy Úkimetiniń 2013 jylǵy 18 qyrkúıektegi № 984 qaýlysyna ózgeris engizý týraly
Qazaqstan Respýblıkasynyń Úkimeti qaýly etedi: 1. «Biryńǵaı jınaqtaýshy zeınetaqy qorynyń zeınetaqy qaǵıdalaryn bekitý týraly» Qazaqstan Respýblıkasy Úkimetiniń 2013 jylǵy 18 qyrkúıektegi № 984 qaýlysyna (Qazaqstan Respýblıkasynyń PÚAJ-y, 2013 j., № 56, 771-qujat) mynadaı ózgeris engizilsin: kórsetilgen qaýlymen bekitilgen Biryńǵaı jınaqtaýshy zeınetaqy qorynyń zeınetaqy qaǵıdalary osy qaýlyǵa qosymshaǵa sáıkes jańa redaktsııada jazylsyn. 2. Osy qaýly 2016 jylǵy 1 qańtardan bastap qoldanysqa engiziledi jáne resmı jarııalanýǵa tıis.
Qazaqstan Respýblıkasynyń Premer-Mınıstri K.MÁSІMOV.
Qazaqstan Respýblıkasy Úkimetiniń 2015 jylǵy 28 qazandaǵy №846 qaýlysyna qosymsha
Qazaqstan Respýblıkasy Úkimetiniń 2013 jylǵy 18 qyrkúıektegi №984 qaýlysymen bekitilgen
Biryńǵaı jınaqtaýshy zeınetaqy qorynyń zeınetaqy qaǵıdalary
1. Jalpy erejeler 1. Osy Biryńǵaı jınaqtaýshy zeınetaqy qorynyń zeınetaqy qaǵıdalary (budan ári - Qaǵıdalar) «Qazaqstan Respýblıkasynda zeınetaqymen qamsyzdandyrý týraly» 2013 jylǵy 21 maýsymdaǵy Qazaqstan Respýblıkasynyń Zańyna (budan ári - Zań) sáıkes ázirlendi jáne biryńǵaı jınaqtaýshy zeınetaqy qory (budan ári - BJZQ) men: 1) mindetti zeınetaqy jarnalary salymshysynyń; 2) mindetti kásiptik zeınetaqy jarnalary aýdarylatyn jeke tulǵanyń; 3) mindetti zeınetaqy jarnalary jáne (nemese) mindetti kásiptik zeınetaqy jarnalary esebinen zeınetaqy tólemderin alýshynyń (budan ári - zeınetaqy tólemderin alýshy); 4) mindetti kásiptik zeınetaqy jarnalaryn tóleý jónindegi agenttiń arasyndaǵy quqyqtyq qatynastardyń erekshelikterin belgileıdi. 2. Mindetti zeınetaqy jarnalaryn Zańda aıqyndalatyn mólsherlemeler boıynsha: mindetti zeınetaqy jarnalaryn tóleý jónindegi agentter; mindetti kásiptik zeınetaqy jarnalaryn tóleý jónindegi agentter (budan ári - agent) tóleýge tıis. 3. Mindetti zeınetaqy jarnalary jáne mindetti kásiptik zeınetaqy jarnalary Qazaqstan Respýblıkasynyń ulttyq valıýtasynda tólenedi. Mindetti zeınetaqy jarnalaryn basqa adamdardyń paıdasyna tóleýge bolmaıdy. 4. Mindetti zeınetaqy jarnalaryn jáne mindetti kásiptik zeınetaqy jarnalaryn esepteý, ustap qalý (esebine jazý) men aýdarý jáne olar boıynsha óndirip alý, sondaı-aq BJZQ-dan mindetti zeınetaqy jarnalary jáne mindetti kásiptik zeınetaqy jarnalary esebinen zeınetaqy tólemderin júzege asyrý tártibi men merzimderin Qazaqstan Respýblıkasynyń Úkimeti jáne Zań belgileıdi.
2. Mindetti zeınetaqy jarnalary esebinen zeınetaqymen qamsyzdandyrý týraly shart jasasý tártibi 5. BJZQ mindetti zeınetaqy jarnalaryn tartýdy jáne mindetti zeınetaqy jarnalary esebinen zeınetaqy jınaqtaryn tóleýdi júzege asyrady. 6. Mindetti zeınetaqy jarnalary esebinen zeınetaqymen qamsyzdandyrý týraly shart qosylý sharty bolyp tabylady, onyń talaptaryn BJZQ bekitedi jáne ol BJZQ-nyń ınternet-resýrsynda ornalastyrylady. Mindetti zeınetaqy jarnalary esebinen zeınetaqymen qamsyzdandyrý týraly shart Zańda kózdelgen quqyqtardy, mindetter men jaýapkershilikti, sondaı-aq BJZQ-nyń, mindetti zeınetaqy jarnalary salymshysynyń (mindetti zeınetaqy jarnalary esebinen zeınetaqy tólemderin alýshynyń) arasyndaǵy quqyqtyq qatynastardyń ózge de erekshelikterin belgileıdi. 7. Mindetti zeınetaqy jarnalary esebinen zeınetaqymen qamsyzdandyrý týraly shartty (qosylý sharty) jasasý mindetti zeınetaqy jarnalary salymshysynyń osy Qaǵıdalarǵa 1-qosymshaǵa sáıkes nysan boıynsha BJZQ-nyń ınternet-resýrsyna ornalastyrylatyn mindetti zeınetaqy jarnalaryn esepke alý boıynsha jeke zeınetaqy shotyn ashý týraly ótinishke qol qoıýy jolymen júzege asyrylady. 8. BJZQ ýákiletti uıymnan mindetti zeınetaqy jarnalary esebinen zeınetaqymen qamsyzdandyrý týraly shart jónindegi málimetterdiń mindetti zeınetaqy jarnalary, mindetti kásiptik zeınetaqy jarnalary esebinen zeınetaqymen qamsyzdandyrý týraly shart jasasqan jeke tulǵalardyń biryńǵaı tizimine (budan ári - Biryńǵaı tizim) engizilgeni týraly elektrondyq habarlamany alǵan kúnnen bastap mindetti zeınetaqy jarnalarynyń salymshysy mindetti zeınetaqy jarnalary esebinen zeınetaqymen qamsyzdandyrý týraly shartqa qosylǵan bolyp esepteledi.
3. Mindetti kásiptik zeınetaqy jarnalary esebinen zeınetaqymen qamsyzdandyrý týraly shart jasasý tártibi 9. BJZQ mindetti kásiptik zeınetaqy jarnalaryn tartýdy jáne mindetti kásiptik zeınetaqy jarnalary esebinen zeınetaqy jınaqtaryn tóleýdi júzege asyrady. 10. Mindetti kásiptik zeınetaqy jarnalary esebinen zeınetaqymen qamsyzdandyrý týraly shart qosylý sharty bolyp tabylady, onyń talaptaryn BJZQ bekitedi jáne ol BJZQ-nyń ınternet-resýrsynda ornalastyrylady. Mindetti kásiptik zeınetaqy jarnalary esebinen zeınetaqymen qamsyzdandyrý týraly shart Zańda kózdelgen quqyqtardy, mindetter men jaýapkershilikti, sondaı-aq BJZQ-nyń, mindetti kásiptik zeınetaqy jarnalary aýdarylatyn jeke tulǵanyń (mindetti kásiptik zeınetaqy jarnalary esebinen zeınetaqy tólemderin alýshynyń) jáne agenttiń arasyndaǵy quqyqtyq qatynastardyń ózge de erekshelikterin belgileıdi. 11. Mindetti kásiptik zeınetaqy jarnalary esebinen zeınetaqymen qamsyzdandyrý týraly shart (qosylý shartyn) jasasý agenttiń jáne mindetti kásiptik zeınetaqy jarnalary aýdarylatyn jeke tulǵanyń osy Qaǵıdalarǵa 2-qosymshaǵa sáıkes nysan boıynsha BJZQ-nyń ınternet-resýrsyna ornalastyrylatyn mindetti kásiptik zeınetaqy jarnalaryn esepke alý boıynsha jeke zeınetaqy shotyn ashý týraly ótinishke qol qoıýy jolymen júzege asyrylady. 12. BJZQ ýákiletti uıymnan mindetti kásiptik zeınetaqy jarnalary esebinen zeınetaqymen qamsyzdandyrý týraly shart jónindegi málimetterdiń Biryńǵaı tizimge engizilgeni týraly elektrondyq habarlamany alǵan kúnnen bastap agent jáne mindetti kásiptik zeınetaqy jarnalary aýdarylatyn jeke tulǵa mindetti kásiptik zeınetaqy jarnalary esebinen zeınetaqymen qamsyzdandyrý týraly shartqa qosylǵan bolyp esepteledi. 13. Mindetti kásiptik zeınetaqy jarnalary esebinen zeınetaqymen qamsyzdandyrý týraly buryn jasalǵan shart bolǵan kezde mindetti kásiptik zeınetaqy jarnalary aýdarylatyn jeke tulǵa jáne jańa agent mindetti kásiptik zeınetaqy jarnalaryn esepke alý boıynsha jańa jeke zeınetaqy shotyn ashpaı-aq BJZQ-nyń ishki qujattarymen aıqyndalatyn nysan boıynsha mindetti kásiptik zeınetaqy jarnalary esebinen zeınetaqymen qamsyzdandyrý týraly shartqa qosylý týraly ótinishke qol qoıady. Osy Qaǵıdalardyń 13-tarmaǵynyń birinshi bóliginde kórsetilgen ótinish sheńberinde kelip túsken mindetti kásiptik zeınetaqy jarnalary, ınvestıtsııalyq tabys, ósimpul jáne Qazaqstan Respýblıkasynyń zeınetaqymen qamsyzdandyrý týraly zańnamasyna sáıkes ózge de túsimder mindetti kásiptik zeınetaqy jarnalaryn esepke alý boıynsha buryn ashylǵan jeke zeınetaqy shotynda esepke alynady.
4. Mindetti zeınetaqy jarnalarynyń salymshysyn, mindetti kásiptik zeınetaqy jarnalary aýdarylatyn jeke tulǵany nemese zeınetaqy tólemderin alýshyny zeınetaqy jınaqtarynyń jaı-kúıi týraly habardar etý tártibi 14. BJZQ mindetti zeınetaqy jarnalarynyń salymshysy, mindetti kásiptik zeınetaqy jarnalary aýdarylatyn jeke tulǵa nemese zeınetaqy tólemderin alýshy suraý salǵan kez kelgen kúngi mindetti zeınetaqy jarnalary jáne (nemese) mindetti kásiptik zeınetaqy jarnalary esebinen zeınetaqy jınaqtarynyń jaı-kúıi týraly aqparatty BJZQ-da mindetti zeınetaqy jarnalaryn jáne (nemese) mindetti kásiptik zeınetaqy jarnalaryn esepke alý boıynsha jeke zeınetaqy shoty ashylǵan kúninen bastap beredi. 15. BJZQ mindetti zeınetaqy jarnalarynyń salymshysyna, mindetti kásiptik zeınetaqy jarnalary aýdarylatyn jeke tulǵaǵa nemese zeınetaqy tólemderin alýshyǵa zeınetaqy jınaqtarynyń jaı-kúıi týraly aqparat berýdi aqy almaı júzege asyrady. 16. Mindetti zeınetaqy jarnalary jáne (nemese) mindetti kásiptik zeınetaqy jarnalary esebinen zeınetaqy jınaqtarynyń jaı-kúıi týraly, onyń ishinde mindetti zeınetaqy jarnalarynyń salymshysyna, mindetti kásiptik zeınetaqy jarnalary aýdarylatyn jeke tulǵaǵa nemese zeınetaqy tólemderin alýshyǵa BJZQ jyl saıynǵy habardar etý sheńberinde usynatyn aqparatta: 1) suratylyp otyrǵan kezeńniń basyndaǵy jáne sońyndaǵy jaǵdaı boıynsha zeınetaqy jınaqtarynyń somasy; 2) suratylyp otyrǵan kezeńniń basyndaǵy jáne sońyndaǵy jaǵdaı boıynsha eseptelgen ınvestıtsııalyq tabys somasy; 3) Qazaqstan Respýblıkasy Ulttyq Bankiniń basqarmasy bekitken jáne suratylyp otyrǵan kezeńniń sońynda qoldanystaǵy ınvestıtsııalyq tabystan jáne zeınetaqy aktıvterinen túsetin komıssııalyq syıaqynyń shamasy; 4) suratylyp otyrǵan kezeń ishindegi kúnderdi kórsete otyryp, zeınetaqy jarnalarynyń, ósimpuldyń, aýdarymdardyń, zeınetaqy jınaqtary tólemderiniń jáne (nemese) ustalǵan jeke tabys salyǵynyń somasy; 5) suratylyp otyrǵan kezeń ishindegi kúnderdi kórsete otyryp, mindetti zeınetaqy jarnalaryn nemese mindetti kásiptik zeınetaqy jarnalaryn esepke alý boıynsha jeke zeınetaqy shotynda kórsetiletin ózge de operatsııalardyń somasy týraly málimetter qamtylady. 17. BJZQ habardar etýdi mindetti zeınetaqy jarnalarynyń salymshysy, mindetti kásiptik zeınetaqy jarnalary aýdarylatyn jeke tulǵa nemese zeınetaqy tólemderin alýshy tańdaǵan, tómende kórsetilgen tásilderdiń birimen júzege asyrady: 1) elektrondyq - habarlamany mindetti zeınetaqy jarnalary salymshysynyń, mindetti kásiptik zeınetaqy jarnalary aýdarylatyn jeke tulǵanyń mindetti zeınetaqy jarnalaryn jáne (nemese) mindetti kásiptik zeınetaqy jarnalaryn esepke alý boıynsha jeke zeınetaqy shotyn ashý týraly ótinishte nemese nysany BJZQ-nyń ishki qujattaryna sáıkes aıqyndalatyn jeke kelisimde kórsetilgen elektrondyq mekenjaıyna (e-mail) jiberý; 2) mindetti zeınetaqy jarnalarynyń salymshysy, mindetti kásiptik zeınetaqy jarnalary aýdarylatyn jeke tulǵa nemese zeınetaqy tólemderin alýshy tikeleı BJZQ-ǵa ózi ótinish jasaǵan kezde; 3) mindetti zeınetaqy jarnalarynyń salymshysy, mindetti kásiptik zeınetaqy jarnalary aýdarylatyn jeke tulǵa nemese zeınetaqy tólemderin alýshy elektrondyq tsıfrlyq qoltańbany nemese paıdalanýshynyń berilgen logıni men parolin paıdalana otyryp, ınternet arqyly ózi ótinish jasaǵan kezde; 4) poshta baılanysynyń qyzmetteri arqyly. 18. Tólem kartochkasy arqyly habardar etýdi qospaǵanda, mindetti zeınetaqy jarnalarynyń salymshysyn nemese mindetti zeınetaqy jarnalary esebinen zeınetaqy tólemderin alýshyny osy Qaǵıdalar bekitilgenge deıin jasalǵan mindetti zeınetaqy jarnalary esebinen zeınetaqymen qamsyzdandyrý týraly sharttar boıynsha ótken jyldaǵy zeınetaqy jınaqtarynyń jaı-kúıi týraly jyl saıyn mindetti habardar etýdi BJZQ qarjy naryǵy men qarjy uıymdaryn memlekettik retteýdi, baqylaýdy jáne qadaǵalaýdy júzege asyratyn ýákiletti organnyń normatıvtik quqyqtyq aktisinde belgilengen tártippen BJZQ-ǵa berilgen elektrondyq formattarda kórsetilgen tásilmen júzege asyrady. 19. BJZQ-nyń mindetti zeınetaqy jarnalary jáne (nemese) mindetti kásiptik zeınetaqy jarnalary esebinen zeınetaqy jınaqtarynyń jaı-kúıi týraly aqparatty berý tásili mindetti zeınetaqy jarnalarynyń salymshysymen, mindetti kásiptik zeınetaqy jarnalary aýdarylatyn jeke tulǵamen kelisim boıynsha mindetti zeınetaqy jarnalaryn jáne (nemese) mindetti kásiptik zeınetaqy jarnalaryn esepke alý boıynsha jeke zeınetaqy shotyn ashý týraly ótinish sheńberinde aıqyndalady. Mindetti zeınetaqy jarnalarynyń salymshysy, mindetti kásiptik zeınetaqy jarnalary aýdarylatyn jeke tulǵa nemese zeınetaqy tólemderin alýshy mindetti zeınetaqy jarnalary jáne (nemese) mindetti kásiptik zeınetaqy jarnalary esebinen zeınetaqy jınaqtarynyń jaı-kúıi týraly habardar etý tásilin ózgertken jaǵdaılarda, habardar etýdiń jańa tásili jeke kelisimmen aıqyndalady, onyń nysany BJZQ-nyń ishki qujattaryna sáıkes aıqyndalady. Mindetti zeınetaqy jarnalary esebinen zeınetaqy jınaqtarynyń jaı-kúıi týraly aqparat berý tásili jónindegi málimetter bolmaǵan, ne eger berý tólem kartochkasy arqyly habardar etýdi kózdeıtin tásilmen aıqyndalǵan jaǵdaıda, ótken jyldaǵy mindetti zeınetaqy jarnalary esebinen zeınetaqy jınaqtarynyń jaı-kúıi týraly aqparatty usyný mindetti zeınetaqy jarnalarynyń salymshysy nemese mindetti zeınetaqy jarnalary esebinen zeınetaqy tólemderin alýshy tikeleı BJZQ-ǵa ózi ótinish jasaǵan kezde júzege asyrylady. 20. Mynadaı: 1) aǵymdaǵy jyldyń 1 qańtaryndaǵy jaǵdaı boıynsha mindetti zeınetaqy jarnalaryn jáne (nemese) mindetti kásiptik zeınetaqy jarnalaryn esepke alý boıynsha jeke zeınetaqy shotynda aqsha bolmaǵan; 2) mindetti zeınetaqy jarnalaryn salymshy, mindetti kásiptik zeınetaqy jarnalary aýdarylatyn jeke tulǵa nemese zeınetaqy tólemderin alýshy BJZQ-ny «adresat kórsetilgen mekenjaı boıynsha turmaıdy» degen belgimen ótken jyldaǵy mindetti zeınetaqy jarnalary jáne (nemese) mindetti kásiptik zeınetaqy jarnalary esebinen zeınetaqy jınaqtarynyń jaı-kúıi týraly aqparattyń BJZQ-ǵa qaıtarylýy nátıjesinde belgilengen turǵylyqty jeriniń ózgergeni týraly habardar etpegen jaǵdaılarda, BJZQ mindetti zeınetaqy jarnalarynyń salymshysyn, mindetti kásiptik zeınetaqy jarnalary aýdarylatyn jeke tulǵany nemese zeınetaqy tólemderin alýshyny olardyń zeınetaqy jınaqtarynyń jaı-kúıi týraly jyl saıyn mindetti habardar etpeıdi.
5. Mindetti zeınetaqy jarnalary salymshysynyń, mindetti kásiptik zeınetaqy jarnalary aýdarylatyn jeke tulǵanyń nemese zeınetaqy tólemderin alýshynyń BJZQ-nyń mindettemelerin oryndaýyna yqpal etetin barlyq ózgerister týraly habardar etý tártibi 21. Mindetti zeınetaqy jarnalarynyń salymshysy, mindetti kásiptik zeınetaqy jarnalary aýdarylatyn jeke tulǵa nemese zeınetaqy tólemderin alýshy BJZQ-nyń mindettemelerin oryndaýyna yqpal etetin barlyq ózgerister týraly BJZQ-ny osyndaı ózgerister bolǵan kúnnen bastap kúntizbelik on kún ishinde habardar etýge mindetti. BJZQ-nyń mindettemelerin oryndaýyna yqpal etetin ózgeristerge mynalar jatady: 1) mindetti zeınetaqy jarnalary salymshysynyń, mindetti kásiptik zeınetaqy jarnalary aýdarylatyn jeke tulǵanyń mindetti zeınetaqy jarnalaryn jáne (nemese) mindetti kásiptik zeınetaqy jarnalaryn esepke alý boıynsha jeke zeınetaqy shotyn ashý týraly ótinishte nemese eger mindetti zeınetaqy jarnalary esebinen zeınetaqymen qamsyzdandyrý týraly shart osy Qaǵıdalar bekitilgenge deıin jasalǵan jaǵdaıda, mindetti zeınetaqy jarnalary esebinen zeınetaqymen qamsyzdandyrý týraly shartta ne nysany BJZQ-nyń ishki qujattaryna sáıkes belgilenetin jeke ótinishte kórsetilgen turǵylyqty jeri mekenjaıynyń, elektrondyq mekenjaıynyń (e-mail) ózgerýi; 2) zeınetaqy tólemderin alýshynyń zeınetaqy tólemderin taǵaıyndaý týraly ótinishte kórsetilgen banktik derektemeleriniń ózgerýi. 22. Mindetti zeınetaqy jarnalarynyń salymshysy, mindetti kásiptik zeınetaqy jarnalary aýdarylatyn jeke tulǵa nemese zeınetaqy tólemderin alýshy osy Qaǵıdalardyń 21-tarmaǵynda kórsetilgen derekterdi ózgertý maqsatynda jeke basyn kýálandyratyn qujatpen, nysandary BJZQ-nyń ishki qujattaryna sáıkes belgilenetin, ózekti derekter kórsetilgen mekenjaılyq derekterin ózgertý týraly ótinishpen, bank shotynyń derektemelerin ózgertýge arnalǵan ótinishpen nemese zeınetaqy tólemderin taǵaıyndaý týraly jańa ótinishpen BJZQ-ǵa habarlasady.
6. Qorytyndy erejeler 23. BJZQ-nyń zeınetaqymen qamsyzdandyrý máseleleri jónindegi ótinishterdi qaraýy «Jeke jáne zańdy tulǵalardyń ótinishterin qaraý tártibi týraly» 2007 jylǵy 12 qańtardaǵy Qazaqstan Respýblıkasynyń Zańynda belgilengen tártippen jáne merzimderde júzege asyrylady. 24. Osy Qaǵıdalar, olarǵa engiziletin ózgerister men tolyqtyrýlar, sondaı-aq osy Qaǵıdalardyń jańartylǵan redaktsııasy BJZQ-nyń ınternet-resýrsynda jáne BJZQ-nyń fılıaldarynda kózge kórinetin jerge ornalastyrylady. 25. Mindetti zeınetaqy jarnalarynyń salymshylary (mindetti zeınetaqy jarnalary esebinen zeınetaqy tólemderin alýshylar) Zań qoldanysqa engizilgenge deıin jasasqan mindetti zeınetaqy jarnalary esebinen zeınetaqymen qamsyzdandyrý týraly sharttar osy Qaǵıdalarǵa qaıshy kelmeıtin bóliginde qoldanylady. Osy Qaǵıdalar bekitilgenge deıin mindetti zeınetaqy jarnalary esebinen zeınetaqymen qamsyzdandyrý týraly sharttar jasasqan mindetti zeınetaqy jarnalarynyń salymshylary (mindetti zeınetaqy jarnalary esebinen zeınetaqy tólemderin alýshylar) BJZQ-da mindetti zeınetaqy jarnalaryn esepke alý boıynsha jeke zeınetaqy shoty ashylǵan kúnnen bastap qosylý shartyna qosylǵan bolyp esepteledi.
