Biryńǵaı testileý tehnologııasyn keńirek qarastyrý qajet - QR BǴM basshysy
ASTANA. 17 tamyz. QazAqparat - Qazaqstan Respýblıkasynyń bilim jáne ǵylym mınıstrliginde vedomstvo basshysy Baqytjan Jumaǵulovtyń tóraǵalyǵymen ulttyq biryńǵaı testileýdi uıymdastyrý jáne ótkizý salasyndaǵy zańnamany jetildirý máseleleri boıynsha jınalys ótti,
dep habarlady QR Bilim jáne ǵylym mınıstrliginiń baspasóz qyzmeti.
Elbasy N.Á. Nazarbaev óziniń «Qazaqstannyń áleýmettik jańǵyrtylýy: Jalpyǵa Ortaq Eńbek Qoǵamyna qaraı jıyrma qadam» baǵdarlamalyq maqalasynda UBT ótkizýdiń onjyldyq tájirıbesine qaramastan, laýazymdy tulǵalar sondaı-aq UBT-ǵa qatysýshylar tarapynan da buzýshylyqtarǵa jol berilýi máselesi ózekti bolyp turǵandyǵyna erekshe nazar aýdarǵan bolatyn. El Prezıdenti mundaı jaǵdaıdyń týyndaý sebebiniń biri - testileý barysyn quqyqtyq retteýdiń álsizdigi ekendigin atap kórsetti.
Jınalys barysynda UBT rásimine baılanysty júıeli máselelerge taldaý jasalyp, olardy sheshý joldary anyqtaldy. Usynystar jaýapkershilikti arttyrý, barlyq qatysýshylardyń ókilettikterin naqty anyqtaýǵa baǵyttalǵan testileý rásimin quqyqtyq retteýge qatysty boldy. Vedomostvo sarapshylary bul maqsattar úshin Qazaqstan Respýblıkasynyń «Bilim týraly» zańyna, Qazaqstan Respýblıkasynyń ákimshilik quqyq buzýshylyq týraly Kodeksine jáne basqa da normatıvtik quqyqtyq aktilerge ózgertý engizý qajettiligin alǵa tartty.
Mınıstrdiń pikirinshe, biryńǵaı testilý tehnologııasyn keńirek qarastyrý qajet. Ol UBT jetildirý máselelerin bolashaqta eki kezeńge: mekteptegi qorytyndy attestattaý men joǵary oqý ornyna túsý emtıhanyna bólý esebimen qarastyrýdy tapsyrdy. Sondaı-aq ol jınalys qatysýshylarynyń nazaryn kompıýterlik testileýdi endirý, testilik tapsyrmalardyń mazmunyn jetildirý jáne logıkalyq sıpattaǵy testilerdi engizý múmkindikterine aýdardy.
Jınalysta BAQ-ta keń aýqymdy aqparattyq-túsindirý jumystaryn júrgizýdiń, jaǵymdy qoǵamdyq pikir qalyptastyrý men testileý barysyndaǵy ózgertýler týraly halyqty habarlandyrýdyń mańyzdylyǵy týraly sóz qozǵaldy.
Jınalys qorytyndysy boıynsha, vedomostvo basshysy aıtylǵan eskertýler esebinen ulttyq biryńǵaı testileý rásimin jetildirý boıynsha usynystar keshenin ázirlep, onyń negizinde testileýdi iske asyrýdyń kezeńdik josparyn ázirleýdi tapsyrdy.
