Biryńǵaı tarıf boıynsha qyzmetterge tólem jasaý densaýlyq saqtaý júıesindegi básekege qabilettilikti damytýǵa múmkindik beredi - L.Ahmetnııazova
ASTANA. Aqpannyń 26-sy. QazAqparat /Marlan Jıembaı/ - Biryńǵaı tarıf boıynsha qyzmetterge tólem jasaý densaýlyq saqtaý júıesindegi básekege qabilettilikti damytýǵa múmkindik beredi.
Bul pikirdi búgin «Nur Otan» HDP-nyń Astana qalalyq fılıalynda ótken «Astana qalasynda biryńǵaı ulttyq densaýlyq saqtaý júıesin engizý týraly» degen taqyryppen ótken dóńgelek ústel barysynda qalalyq densaýlyq saqtaý basqarmasy bastyǵynyń orynbasary Laýra Ahmetnııazova bildirdi.
Onyń aıtýynsha, bul halyqqa sapaly qyzmet kórsetýge múmkindik berip, olardyń deńgeıin halyqaralyq standartqa, sonymen qatar sońǵy nátıjege sáıkes medıtsına qyzmetkerleriniń eńbekaqylarynyń ózgerýine septigin tıgizbek.
«Biryńǵaı tólem júıesine elordanyń 18 aýrýhana jáne emhanalar men statsıonarlar janyndaǵy 25 kúndizgi statsıonar, sondaı-aq tegin medıtsınalyq kómektiń kepildi kólemi sheńberinde Astana turǵyndaryna statsıonarlyq jáne statsıonardy almastyratyn kómek kórsetýge memlekettik tapsyrys engizilgen», dedi ol.
Josparly aýrýhanaǵa jatqyzý ashyqtyǵyn qamtamasyz etý jáne medıtsınalyq uıymdy erkin tańdaýda emdelýshiniń quqyǵyn uıymdastyrý úshin 2010 jyly qańtardyń 5-de Astana qalalyq Medıtsınalyq aqparattyq-taldama ortalyǵynyń negizinde Emhanaǵa jatqyzý bıýrosy qurylǵandyǵyn atap ótken L.Ahmetnııazova, «statsıonarlyq kómek kórsetý «Halyq densaýlyǵy jáne densaýlyq saqtaý júıesi týraly» QR Kodeksiniń talaptaryna sáıkes Densaýlyq saqtaý mınıstrligi bekitken stantsıonarlyq kómektiń shekti kólemine oraı júzege asyrylady», dedi.
