Biryńǵaı memlekettik júıede 159 jer qoınaýyn paıdalanýshy tirkeldi - mınıstr
«Qazirgi kezde Jer qoınaýyn paıdalanýdy basqarýdyń biryńǵaı memlekettik júıesinde 159 jer qoınaýyn paıdalanýshy tirkelgen. Atalǵan memlekettik júıe aıasynda: suıytylǵan munaı gazyn jetkizý josparyn avtomatty biriktirý jáne qalyptastyrý maqsatynda jergilikti atqarýshy organdardan derekterdi alýǵa arnalǵan jıyntyq ótinim avtomattandyryldy. Sonymen qatar, esepterdi elektrondy túrde tapsyrý nysandary avtomattandyryldy. Syrtqy aqparattyq júıelermen ıntegratsııalyq ózara is-qımyl júzege asyryldy», - dedi mınıstr.
Munymen qosa, bıyl munaı jáne munaı ónimderin jetkizý jospary men kestesin iske asyrý, lıtsenzııalyq-kelisimsharttyq sharttar mindettemeleriniń oryndalýyn odan ári monıtorıngteý úshin qoldanystaǵy kelisimsharttar men olarǵa tolyqtyrýlardy tsıfrlandyrý, esep tapsyrýdy elektrondy formatqa kóshirý úshin normatıvtik-quqyqtyq aktilerge ózgerister engizý josparlanǵan.
Aıta keteıik, jer qoınaýyn paıdalanýǵa arnalǵan 269 kelisimshart, onyń ishinde kómirsýtekter boıynsha 247 kelisimshart, ýran boıynsha 22 kelisimshart jasaldy. 2020 jyly 11 kelisimshart bekitildi.
