Biryńǵaı memlekettik emtıhannan matematıka pánin alyp tastaý usynyldy
ASTANA. QazAqparat - Máskeý qalalyq dýmasynyń bilim berý jáne jastar saıasaty komıssııasynyń basshysy Vıktor Krýglıakov biryńǵaı memlekettik emtıhan tapsyrý kezinde mektep túlekteri úshin mindetti pánderden matematıkany alyp tastaýdy usyndy. Bul týraly «Interfaks» habarlaıdy.
V. Krýglıakov áńgime BME-den matematıkany múldem alyp tastaý emes, tek sol emtıhandy tapsyrý úshin mindetti pánderdiń ishinen alyp tastaý týraly bolyp otyr, deıdi.
Qazirgi ýaqytta Reseıdiń 11 synyp oqýshylary úshin BME tapsyrýda mindetti pánge orys tili men matematıka jatady. Depýtat keıbir JOO-ǵa túsý úshin matematıka qajetti pánge jatpaıtynyn, al orys tili barlyq jerde talap etiletinin alǵa tartady. Sondaı-aq, matematıka 9-synyp oqýshylarynyń memlekettik qorytyndy attestattaýdan ótýi úshin mindetti pán bolyp tabylady, bul ereje sol kúıinde qala bermek.
V.Krýglıakov 2013 jyly 67 túlektiń atalmysh eki pánniń synaǵynan súringenin, orys tilinen - 20, matematıkadan - 507 túlek emtıhandy tapsyra almaǵanyn aıtty.
