Biryńǵaı kedendik tarıfti qalyptastyrý kezinde kedendik alymdar mólsherlemesiniń sáıkestigi 40 paıyzdy qurady - Ernar Bákenov
; ALMATY. Maýsymnyń 7-si. QazAqparat /Erlik Erjanuly/ - Importtyq kedendik alymdar deńgeıiniń ózgerisinen keıin tarıftik mólsherleme 6,2-den 10,6 paıyzǵa deıin kóterildi. Bul búgin Almatyda ótip jatqan "Keden odaǵynyń biryńǵaı keden aımaǵyndaǵy memlekettik retteýdiń teorııalyq jáne tájirıbelik aspektileri" dep atalatyn konferentsııada aıtyldy,
dep habarlaıdy QazAqparat.
"Tarıftik mólsherleme ónerkásip taýarlarynda 4,6-dan 8,5 paıyzǵa, al aýyl sharýashylyǵy taýarlarynda 12,1-den 16,7 paıyzǵa deıin kóterildi. Biryńǵaı kedendik tarıfti qalyptastyrý kezinde Belarýs, Qazaqstan jáne Reseı elderinde kedendik alymdardyń sáıkestigi 40 paıyz shamasynda boldy. 2007 jyly ol 65 paıyzdy quraǵan bolatyn. Sondyqtan keıbireýlerdiń kedendik alymdar 90 paıyzǵa deıin kóterildi, nemese Reseıdiń deńgeıine keltirildi degen baǵalaýy shyndyqqa saı kelmeıdi", deıdi Ekonomıkalyq damý jáne saýda mınıstrliginiń BKU kelisimi saýda saıasatyn damytý ortalyǵy departamenti dırektorynyń orynbasary Ernar Bákenov. Departamenttegi Qazaqstannyń ishki saýda saıasatyn taldaý jónindegi jumys toby jetekshisiniń aıtýynsha, alymdar reseılik deńgeıge tek 47,7 paıyz taýarlyq nomenklatýrada ǵana kóterildi. 45 paıyz taýarlarda qazaqstandyq mólsherleme saqtalyp, taýarlardyń 5 paızynda tómendetildi. Al qalǵan 2,3 paıyz taýarlarda esepteý mólsherlemesiniń tártibi ózgerdi.
