Biryńǵaı qabyldaý kúni: Túrkistan oblysynyń prokýratýra organdaryna 55 adam júgindi
21 qarasha kúni Túrkistan oblysynyń prokýratýrasy «Halyq únine qulaq asatyn memleket» kontseptsııasy boıynsha memleket Basshysynyń tapsyrmasyn júzege asyrý aıasynda «Azamattardy qabyldaýdyń biryńǵaı kúni» sharasyn ótkizdi.
Azamattardy jeke qabyldaý sharalary oblys prokýratýrasy ǵımaratynda jáne qala men aýdandardaǵy prokýratýra ǵımarattarynda júzege asyryldy.
Osy kúni oblys prokýratýrasynyń organdary barlyǵy 55 azamatty qabyldady.
Suraqtardyń basym bóligi qylmystyq is boıynsha tergeýdiń sapasy men azamattyq jáne qylmystyq ister boıynsha sot aktileriniń zańdylyǵyna qatysty boldy.
Bul kúni oblys prokýrory N.Ábdirov ótkizgen qabyldaýdyń ishindegi erekshesi - azamat N.Máýlenov jáne onyń advokaty B.Anafeevpen bolǵan jeke qabyldaý boldy. Aryzdanýshy Arys qalasynda bolǵan qandy oqıǵada qaıtys bolǵan ınkassatordyń týysy bolyp shyqty.
Prokýrormen suhbattasý barysynda alǵashqy qylmystyq jaýapqa tartýda kúdiktiler úsheý bolǵanyna qaramastan qylmystyq jaýaptylyqqa tek ekeýi ǵana tartylǵany jáne sonymen qatar qylmystyq is materıalyna barlyq aıǵaq zattar tolyq alynbaǵandyǵy jóninde aryz berýshi habarlady.
Tóle bı aýdanynyń turǵyny G.Baızaqova materıaldyq shyǵyndy óndirý boıynsha sottyń sheshimi oryndalmaǵan sot oryndaýshylarynyń áreketterine shaǵymdandy.
Budan bólek, prokýrorǵa qylmystyq isterdiń sozbalańǵa salynýy jaıly taǵy da úsh aryzdanýshy shaǵym keltirdi.
Іs-shara sońynda oblys prokýrory qurylymdyq bólimderdiń basshylaryna aryzdanýshylardyń ótinishterin muqııat qaraýdy jáne zań buzýshylyqtar anyqtalǵan jaǵdaıda olardyń quqyqtaryn qorǵaý boıynsha tıisti sharalar qoldanýdy tapsyrdy.
