Biryńǵaı ekonomıkalyq keńistik qurý 2015 jylǵa deıin jalǵasady - Sergeı Glazev
LMATY. 13 qazan. QazAqparat /Erlik Erjanuly/ - Biryńǵaı ekonomıkalyq keńistikti qurý úderisi kezinde 2015 jylǵa deıin taǵy 12 kelisimder toptamasy boıynsha 30-ǵa jýyq qujattar qabyldanady. Bul búgin Almatyda ótip jatqan «Kedendik odaq jáne EýrAzEQ Biryńǵaı ekonomıkalyq keńistigi: ary qaraı yqpaldasýdyń keleshegi» dep atalatyn VI Halyqaralyq konferentsııada aıtyldy.
«Jańadan qabyldanatyn bul qujattar jalpy taýar jáne kapıtal naryqtaryn retteýge arnalǵan. Ekonomıkalyq yqpaldastyqty tereńdetýdegi bizdiń jalpy jumysymyz endi aımaqtaǵy bıznes qyzmetin jaqsartý men ınvestıtsııalyq ahýaldy jaqsartýǵa baǵyttalady», - deıdi Kedendik odaq komıssııasynyń Jaýapty hatshysy Sergeı Glazev. Eýrazııa damý bankiniń Basqarma múshesi, Taldamalyq jumys jónindegi basqarýshy dırektory Vladımır ıAsınskııdiń sózine qaraǵanda, Eýrazııa damý bankiniń Yqpaldastyqty zertteý ortalyǵy jyl sońyna deıin EýrAzEQ-daǵy eńbek mıgratsııasyna baılanysty óziniń saraptamalyq baǵasyn bermek. Al QR Qarjy vıtse-mınıstri Rýslan Dalenovtyń aıtýynsha, Qazaqstannyń kedendik tarıfteri Reseı men Belarýs elinen tómen. Bul kórsetkish Kedendik odaq pen Biryńǵaı ekonomıkalyq keńistik aıasynda Qazaqstannyń ınvestıtsııalyq tartymdylyq jaǵynan qosymsha múmkindik beredi.
