Biryńǵaı ekonomıkalyq keńistik aıasynda Qazaqstan kásipkerlerine keń múmkindikter ashylyp otyr - Úkimet basshysy
ANA. Qazannyń 18-i. QazAqparat /Rýslan Ǵabbasov/ - Biryńǵaı ekonomıkalyq keńistik aıasynda Qazaqstan kásipkerlerine keń múmkindikter ashylyp otyr. Bul týraly búgin selektorlyq rejımdegi Úkimet otyrysynda Premer-Mınıstr Kárim Másimov aıtty.
«Biryńǵaı ekonomıkalyq keńistikte qazaqstandyq kásipkerlerdiń qyzmetine keń múmkindikter ashylyp otyr. Onyń ishinde, biz buǵan deıin eshqashan sheshimin tappaı kelgen máseleler turǵysynda onyń oń sheshimin jasap otyrmyz»,-dep atap ótti K. Másimov.
Úkimet basshysy osy oraıda Reseı jáne Belarýs aýmaǵy boıynsha temirjol tasymalyna erkin túrde qol jetkizý jáne kásipkerlik múmkindikterin arttyratyn basqa da máseleler eskerilgenin jetkizdi.
«Ásirese, bul eksporttaýshylar úshin óte úlken múmkindik. Endi osyny durys paıdalana bilý kerek»,-dedi Premer-Mınıstr.
Osy turǵyda Úkimet basshysy elimizdiń kásipkerleri ózderiniń quqyqtary men múmkindikterin tııanaqty túsine bilgenderi mańyzdy ekenin aıtty. «Sebebi, qazirgi kezde kelisimder aýyzsha túrde qarastyryldy. Al qarashanyń sońyna qaraı bul máseleler jazbasha túrde enedi. Sondaı-aq jeltoqsannyń aıaǵyna qaraı bul kelisimder bekitilgen zań jobalary túrinde bolady»,-dep atap ótti Úkimet basshysy.
