Biryńǵaı derekter bazasyn qurýda kemshilikter kóp - Alık Shpekbaev
«Elbasy 2018 jylǵy qazandaǵy halyqqa Joldaýynda jer qory men jyljymaıtyn múlik nysandary týraly biryńǵaı derekter bazasyn qurýdy tapsyrdy. Onyń tapsyrmasy sapasyz júzege asýda. Birinshi másele – bıznestiń bos jer ýchaskeleri týraly aqparatqa qol jetkizýi», - deıdi Alık Shpekbaev sybaılas jemqorlyqqa qarsy is-qımyl máseleleri boıynsha IV respýblıkalyq kásipkerler forýmynda.
Ol aımaqtarda geoportaldar tek sóz júzinde qurylǵandyǵyn aıtty.
«Kóp jaǵdaıda portaldardaǵy málimetter oqýǵa yńǵaısyz jáne ınvestorlarǵa paıdasy joq. Sonymen qatar, olar bir-birinen ornalastyrylǵan aqparattyń qurylymy, kólemi jáne tolyqtyǵymen aıtarlyqtaı erekshelenedi. Mysaly, Almatyda «2GIS» kartasyna tek qyzyl jolaqtar syzylsa, al Shymkent qalasynyń kartasynda tek bas josparlar men naqty jobalar týraly aqparat qana bar. Biryńǵaı ulttyq koordınattar júıesiniń joqtyǵy geoportaldardy tolyq iske qosýdy shekteıdi. Jańa júıeni múmkindiginshe tezdetip engizip, onyń tıisti málimettermen toltyrylýy boıynsha barlyq rásimderdi tezirek aıaqtaýy qajet», - deıdi ol.
