Biryńǵaı aqparattyq medıtsınalyq Call-ortalyǵynda 30 myńnan astam qońyraý qabyldandy
ASTANA. QazAqparat - «Biryńǵaı aqparattyq medıtsınalyq Call-ortalyǵy» ústimizdegi jyldyń qazan aıynan bastap «13-00» qysqa nomeri boıynsha jumys isteıdi, dep habarlady astana.gov.kz «Astana innovations» AQ baspasóz qyzmetine silteme jasap.
Call-ortalyq operatorlary 2014 jylǵy 10 aqpannan 3 qarashaǵa deıin 30 myńnan astam qońyraý qabyldaǵan, jıi qoıylatyn suraqtar, kóteriletin máseleler tizimi jasaldy. Sonyń ishinde kepildendirilgen medıtsınalyq kómek kórsetý kólemi, dárilik zattarmen qamtamasyz etý, medıtsınalyq qyzmettiń sapasyna qatysty suraqtar da bar. Call-ortalyq ilki jobasy 2013 jyly «Astana Innovations» AQ atynan elorda ákimdiginiń qoldaýymen №10 qalalyq emhana bazasynda iske qosyldy. Joba medıtsınalyq uıymdarda qyzmet kórsetý sapasyn arttyrýǵa, adamdardyń ótinish-tilekterimen jumys isteý tıimdiligin jaqsartýǵa baǵyttalǵan. Qala turǵyndary qanatqaqty joba jumys istegen kezeńde qajetti aqparatty 963-777 telefony boıynsha ala alady jáne ózderiniń ótinish-tilekterin qaldyrady. «Astana innovations» AQ habarlaýynsha, jańa nomerge aýysýǵa baılanysty azamattarǵa qolaıly bolýy úshin eki nomer boıynsha da habarlasýǵa bolady.
