Biryńǵaı aqparattyq densaýlyq saqtaý júıesi MÁMS qory arqyly qarjylandyrýǵa 90% daıyn

«Búgin biz esepke alý men MÁMS júıesine qarjylandyrý qalaı júrgiziletindigi jóninde aqparattyq júıelermen tanystyryp óttik. Barlyq aqparattyq júıelerdiń negizgi áleýeti iske asyrylǵan, bizdiń qyzmet kórsetip júrgenimizge birneshe jyl boldy. Bizde medıtsınalyq qyzmetterdi óteý komıteti bar, ol Qazaqstan ishindegi barlyq jaǵdaıdy ákimshiliktendirýmen aınalysady, tólem sol arqyly júzege asyrylady. Qor onyń «qabyldaýshysy» bolady, jáne osy komıtette jumys isteıtin daıarlanǵan mamandar qordyń qyzmetkerlerine aınalady», - dep habarlady QR densaýlyq saqtaý jáne áleýmettik damý vıtse-mınıstri Alekseı Tsoı «Azamattarǵa arnalǵan úkimet» memlekettik korporatsııasy bazasynda DSÁDM aqparattyq júıelerimen tanystyrý jónindegi otyrys barysynda.
Vıtse-mınıstr túsindirip ótkendeı, búgingi tańda Qazaqstan azamatynyń aýrýhanaǵa ár jatqyzylýy elektrondy portalǵa engizý arqyly iske asyrylady, ıaǵnı, josparly medıtsınalyq kómek alǵan barlyq azamattar osy aqparattyq júıe arqyly ótedi. Osylaısha, atalǵan júıe qor júıesine aýystyrylyp, ár azamattyń esebin júrgizetin bolady.
Sonymen qatar, júıeni tanystyrý barysynda aqparattyq júıeniń MÁMS qory arqyly qarjylandyrýǵa 90% daıyn ekendigi málimdeldi.
«Osy aqparattyq júıe áleýmettik mańyzdaǵy aýrýlardy aqparattyq rejımde qarjylandyrýǵa múmkindik beredi», - dedi vıtse-mınıstr.
Aıta ketý kerek, kún saıyn elimizdiń aýrýhanalaryna shamamen 6 myń naýqas kelip túsedi, shamamen 300 myń kúndelikti kelip tekserilý, jáne osynyń bári biryńǵaı aqparattyq júıege tirkelip, basqarylady, sonyń negizinde MÁMS qorynyń qarjylandyrýy júrgiziledi.
Otyrys barysynda, sondaı-aq, «Tólemderdi uıymdastyrý men óńdeý» aqparattyq júıesiniń «Jarnalar men tólemderdi jınaqtaý» modýliniń fýnktsıonaldyq múmkindikteri tanystyryldy.
Kórsetilgen aqparattyq júıeler jarnalar men aýdarymdardyń aıqyn esebimen qamtamasyz etedi, QR-daǵy mindetti áleýmettik medıtsınalyq saqtandyrý júıesin engizý aıasynda saqtandyrylǵan tulǵalardy esepke alýdy jáne MÁMS qorynyń qarjylyq turaqtylyǵyn qamtamasyz etýge múmkindik beredi.