Biryńǵaı agrarlyq salyqty engizýimiz kerek – Muhtar Taıjan

NUR-SULTAN. QazAqparat – Jer reformasy jónindegi komıssııanyń birinshi otyrysynda qoǵam qaıratkeri Muhtar Taıjan kepildikte turǵan jerlerge qatysty usynys aıtty, dep habarlaıdy QazAqparat tilshisi.

«Kelesi meniń usynysym, biryńǵaı agrarlyq salyǵyna qatysty. Búgingi tańda adam jerdi bos ustaıtyn bolsa, jer salyǵy óte tómen. Al eger jumys isteıtin bolsa, qosymsha 7-8 salyq qosalady. ıAǵnı, salyq jaǵynan, ekonomıkalyq jaǵynan jumys isteý tıimsiz. Sondyqtan biryńǵaı agrarlyq salyqty engizýimiz kerek», - dedi qoǵam qaıratkeri.

Osy oraıda ol fermer jerdi qaıtarýǵa nemese sol alqapty ıgerýge májbúr bolatynyn aıtty.

Sonymen qatar Muhtar Taıjan kelesi úlken problema bankterde turǵan jerlerge qatysty ekenin, aýqymdy alqap bankterde kepildikte turǵanyn jetkizdi.

«Bul óz kezeginde úlken problema. Osy oraıda memleket, Úkimet birjaqty túrde osy kelisimsharttardy buzyp, memlekettik qajettilik turǵysynda sol jerlerdi memleket menshigine qaıtarýy kerek», - dedi ol.