Birtutas ekonomıkalyq keńistik qurý jónindegi kelissóz ońaı bolǵan joq - Kárim Másimov
ASTANA-MÁSKEÝ. 2 naýryz. QazAqparat - Birtutas ekonomıkalyq keńistik qurý jónindegi kelissóz ońaı bolǵan joq.
Qazaqstannyń Premer-Mınıstri Kárim Másimov bul týraly 1 naýryzda RBK telearnasyna bergen suhbatynda málim etti.
QR Premeri óz suhbatynda Keden odaǵy men Birtutas ekonomıkalyq keńistiktiń qurylý jaılaryna toqtalyp ótti.
Onyń aıtýynsha, Qazaqstan men Reseı - bir-birine óte uqsas elder. «Bizdiń kúshimiz de, álsiz jaǵymyz da - osynda. Qazaqstannyń aýmaǵyndaǵy reformalardyń júrgizilýi - Reseı bıznesi men memleket qyzmeti úshin Qazaqstandaǵy nátıjeli reformalardyń qalaı júrgizilip jatqanyn jaqynnan kórýdiń múmkindigi. Teris tájirıbelerdi de eskerýge bolady». «...Kóptegen úderisterdegi ózara is-qımyldar bizdiń elderimizdiń úkimetteriniń sheshimderin ózara tolyqtyra alady, ózara kómektesetin bolady», - dep atap kórsetti Kárim Másimov óz sózinde.
Birtutas ekonomıkalyq keńistik qurý jónindegi kelissózder ońaı bolǵan joq. Sarapshylar deńgeıinde, mınıstrler, tipti premer-mınıstrler deńgeıinde, saldary alysqa baratyn sheshimder qabyldaýǵa týra keldi. Keıde mámilege kelgen, keıde óz degenimizden qaıtpaǵan kezder de boldy. Ózara «úırenisýge», mámilegerlik jasaýǵa tutastaı 2010 jyl ketti», - dep habarlady QR Úkimetiniń basshysy.
