Birtindep qalypty ómirimizge kóshýimiz kerek - Bas sanıtarlyq dáriger
«Epıdemıologııalyq jaǵdaıdy eskere otyryp, karantın sharalary birtindep bosańsýy kerek. Osy oraıda biz birtindep qalypty ári jaıly ómirge kóshýimiz kerek. Degenmen karantındik sharlardy jeńildetý kezeń-kezeńmen iske asyrylady, ıaǵnı jaǵdaıǵa qaraı bolady», - dedi A. Esmaǵambetova.
Osy oraıda ol karantın sharalary indetke shaldyǵýdyń kúrt ósýine tosqaýyl bolǵanyn, medıtsınalyq júıege júktemeni azaıtqanyn jetkizdi.
«Karantındik sharalardy jeńildetý birtindep iske asyrylady. Birinshi kezekte adamdardyń tyǵyz ári uzaq qarym-qatynasy baıqalmaıtyn nysandar iske qosylýda. Osyny eskere otyryp, tıisti qaýlyda algorıtmdi aıqyndadyq», - dedi Qazaqstannyń bas memlekettik sanıtarlyq dárigeri.
Budan buryn habarlanǵandaı, A. Esmaǵambetova karantındik sharalar óziniń nátıjesin bergenin atap ótti.
Sońǵy eki aptanyń barysynda turaqty epıdemıologııalyq jaǵdaı tirkelgen.