Birtanov jedel járdem qyzmetkerlerine úndeý joldady
Máseleni sheshý úshin mınıstrlik Almatydaǵy densaýlyq saqtaý basqarmasy men Іshki ister mınıstrligine júgingen.
"Bul oqıǵa bizdiń kóńilimizge qatty tıdi, sebebi ózderińiz bilesizder, jedel medıtsınalyq járdem sapasyn jaqsartýǵa basa mán berip jatyrmyz. Jaqynda ǵana jedel brıgadalarynyń respýblıkalyq saıysyn ótkizdik. Brıgadalardyń 60 protsentin halyqaralyq standarttar boıynsha oqyttyq. Jedel járdemniń naýqasqa jetý ýaqytyn 25 mınýttan 18 mınýtqa deıin qysqarttyq. Reanımatsııalyq sharalar tıimdiligi artty. ıAǵnı, jedel járdemniń úlgerýi úshin qyrýar qarajat pen ýaqyt jumsalyp jatyr", - dedi mınıstr Ortalyq kommýnıkatsııalar qyzmetinde jýrnalısterge bergen suhbatynda.
Onyń aıtýynsha, halyq jedel járdem qyzmetkerlerin qurmettep qana qoımaı, kómektesýi tıis.
"Qaptaǵan kólik arasynan jedel járdemdi tez baıqaý úshin, olardyń kómekke asyǵyp bara jatqanyn túsiný úshin arnaıy jedel járdem standarttaryn engizdik. Olardyń joǵary jyldamdyqpen júrýi de jelikpelik emes. Mundaı jyldamdyqpen júrý úshin olar halyqaralyq bapkerlerdiń arnaıy oqýyna barǵan. Jedel járdemdegi áriptesterime sabyrlyq tanytýǵa, kıkiljińge boı aldyrmaýǵa, qandaı jaǵdaı bosla da, jumystaryńyzdy jalǵastyrýǵa keńes beremin. Biz de budan bylaı sizderdi laıyqty deńgeıde qorǵaýǵa kúsh salamyz", - dedi Birtanov.
Eske sala ketsek, keshe Almatyda jolǵa talasqan azamat jedel járdem júrgizýshisin soqqyǵa jyqty. Sol kúni Almaty polıtsııasy 1990 jyly týǵan Túrkııa azamatyn, ıaǵnı Folksvagen Passat kóliginiń júrgizýshisin ustady.
13 jyldan beri jedel járdemde jumys isteıtin Nıkolaı Kýchma ashýshań júrgizýshini jazasyz qaldyrmaýǵa bekinip otyr.