Birtanov «Meıirim» emhanasynda koronavırýs juqtyrǵan medpersonalǵa qatysty pikir bildirdi
«Meıirim» emhanasyndaǵy jaǵdaıǵa kelsek, naýqas óz erkimen dáriger kómegine júgingen. Emhanadaǵy medıtsınalyq qyzmetker onymen baılanysta bolǵan, sol sebepti JRVI belgileri bolǵan jaǵdaıda emhanaǵa barmaı, jedel járdem shaqyrtýdy ótinemiz. Úsh aı buryn emhanaǵa barýǵa keńes bersek, qazir elordadaǵy jaǵdaıǵa baılanysty olaı keńes bere almaımyz. Osy máselege baılanysty eki aı boıy semınar ótkizip jatyrmyz, biraq ókinishke qaraı keı medıtsınalyq uıymdar buǵan nazar aýdarmaı, qyzmetkerleriniń basyn qaterge tigip qoıady. Bul jaǵdaı olarǵa sabaq bolýy kerek» , - deıdi QR Densaýlyq saqtaý mınıstri Eljan Birtanov.
Ol onkologııalyq ortalyqta vırýs juqtyrǵan jaǵdaıǵa qatysty da pikir bildirdi.
«Bul jerde de vırýs naýqastan juqpaǵan. Qazirgi ýaqytta epıdemıologııalyq tekserý júrgizilip jatyr. Aldyn ala aqparat boıynsha, ol mamandandyrylǵan emes, qarapaıym kópsalaly aýrýhana bolǵan. Personal arasynda vırýs jyldam juqqan. Qazirgi ýaqytta emhana jabyldy. Bizdiń maqsat – eń aldymen ol jerde jatqan naýqastardy emdep, qaýipsizdigin qamtamasyz etý. Ol jerdegi barlyq qyzmetshini tekserip, koronavırýs anyqtalǵandary aýrýhanaǵa jatqyzyldy. Endi ol emhana tolyq jabylyp, tolyq dezınfektsııa jasalady», - deıdi ol.