Birtanov: Kelesi jyly barlyq óńirde dári baǵasy birdeı bolady

ASTANA. QazAqparat - Keler jyldan bastap Qazaqstannyń barlyq óńirinde dári-dármekter baǵasyn birkelki etý josparlanýda. 

QR Densaýlyq saqtaý mınıstri Eljan Birtanovtyń aıtýynsha, búginde arnaıy zań jobasy daıarlanyp jatyr, dep xabarlaıdy QazAqparat tilshisi.

"Qazirgi kezde biz tek memlekettiń aqshasyna satyp alynatyn dári-dármekterdiń baǵasyn retteı alamyz. Buǵan deıin jekemenshik dárixanalardyń baǵa saıasatyna aralasýǵa quqyǵymyz bolǵan joq. Endi, arnaıy zań jobasyn daıarladyq. Búginde atalǵan qujattyń tujyrymdamasyn ázirlep jatyrmyz. Aldaǵy ýaqytta ony qoǵamdyq talqylaýǵa shyǵaramyz. Kúzde zań jobasyn Parlamentke engizýimiz kerek", - dedi Birtanov búgin Astanada ótken baspasóz máslıxatynda.

Mınıstrdiń sózine qaraǵanda, zań qabyldanǵannan keıin shamamen kelesi jyly dári-dármekterdiń shekti baǵasy bekitiletin bolady. "Sol kezde Qazaqstannyń barlyq aımaqtarynda dárilerdiń baǵasy birdeı bolady", - dep atap kórsetti mınıstr.