Birtanov qazaqstandyqtarǵa Qytaıǵa barmaı-aq qoıýǵa keńes berdi

NUR-SULTAN. QazAqparat - Densaýlyq saqtaý mınıstri Eljan Birtanov qazaqstandyqtarǵa koronavırýs taraǵan Qytaıǵa barmaýǵa keńes berdi, dep habarlaıdy QazAqparat tilshisi.

«Men bizdiń azamattarymyzǵa Qytaıǵa, sondaı-aq koronavırýs ınfektsııasy bar naýqastar tirkelgen álemniń 23 eline barmaı-aq qoıýǵa keńes beremin. Jalpy, biz osy kezeńde qajetsiz halyqaralyq saparlardy shekteýdi usynamyz», - dedi Eljan Birtanov OKQ-da ótken brıfıngte.

Ol Qazaqstan Respýblıkasynda júrgizilip jatqan barlyq sharalar DDU usynymdaryna tolyq sáıkes keletinin málimdedi.

«Birinshiden, Qazaqstan Respýblıkasynyń Úkimeti koronavırýs ınfektsııasynyń elge enip, taraýyna jol bermes úshin is-sharalar josparyn ázirlep, bekitti. Úkimet janynan vedomstvoaralyq shtab quryldy», - dedi mınıstr.