Birtanov: Karantın talaptaryn saqtasaq, koronavırýs ınfektsııasyn toqtatamyz
«Karantın sharalary óte mańyzdy. Birinshiden, kóshege shyqpaı, úıde otyrýyńyz kerek. Qazirgi ýaqytta kóp qalalarda úlken ǵımarattar, dúkender jabylýda. Barlyq jumysshylar múmkindiginshe qashyqtan jumys isteýge kóshýi tıis. Jumysta ınfektsııa juqtyrýdyń aldyn alý úshin osyndaı sharalar qoldanyp otyrmyz», - deıdi QR Densaýlyq saqtaý mınıstri Eljan Birtanov.
Ekinshiden, kóshege ary ketse eki adam bolyp shyǵýǵa ruqsat, biraq keı qalalarda bul da óte qaýipti. Múmkindik bolsa, osy eki aptada kóshege múlde shyqpaǵan jón.
«Aýyldyq jerde úlken otbasynda turatyndar qart adamdardy bólek bólmede ustap, ózderińiz de bólek bólmede otyrǵandaryńyz durys. Karantınde ózimizdi durys ustasaq, atalǵan ınfektsııany toqtatamyz. Eki apta, eki adam, eki metr – osy talaptardy saqtaýymyz kerek», dep atap ótti mınıstr.