Birtanov IT-kompanııalarmen halyqtyń elektrondy pasportyn engizýge máselesin talqylady
Mınıstr óz sózinde Memleket basshysynyń «Qazaqstannyń úshinshi jańǵyrýy: jahandyq básekege qabilettilik» atty el halqyna Joldaýynda densaýlyq saqtaý júıesin qajetti aqparattandyrýmen qamtamasyz etý boıynsha bergen tapsyrmalaryn oryndaý qajettiligin atap ótti.
Kezdesý barysynda QR DSM-niń qoldanystaǵy aqparattyq júıelerin syrtqy medıtsınalyq júıelermen biriktirýge, halyqtyń elektrondy pasportyn engizýge, sonymen birge, dárigerdiń jeke kabınetin ázirleýge múmkindik beretin Interoperabeldilik platformasyn engizý boıynsha joba tanystyryldy.
Otyrysta bıznes qaýymdastyqtary memlekettik-jekemenshik seriktestik aıasyndaǵy yntymaqtastyq, densaýlyq saqtaý júıesin aqparattandyrý servıstik úlgileri, sondaı-aq densaýlyq saqtaý júıesin aqparattandyrý qyzmetin retteýge negizdelgen qoldanystaǵy normatıvtik-quqyqtyq aktilerine ózgerister engizý máselelerin talqylady.
Jýyrda QR DSM, EDSRO jáne múddeli IT-kompanııalardyń ókilderi kiretin Sarapshylar keńesi qurylatyn bolady. Sonymen qatar, mınıstr barlyq medıtsınalyq aqparattyq júıeni ázirleýshilerge mınıstrlik júıelerimen ári qaraı biriktirý máselelerin anyqtaý men keńes berý maqsatynda Interoperabeldilik platformasyn tanystyrý boıynsha tapsyrmalar berdi.