Birtanov: Halyq pen medıtsına qyzmetkerlerin medıtsınalyq qorǵanys quralymen qamtamasyz etý qajet⠀

ALMATY. QazAqparat - Halyq pen medıtsına qyzmetkerlerin medıtsınalyq qorǵanys quralymen qamtamasyz etý qajet. Almatyda ótken selektorlyq keńeste QR Densaýlyq saqtaý mınıstri Eljan Birtanov osylaı málim etti dep, dep habarlaıdy QazAqparat mınıstrliktiń baspasóz qyzmetine silteme jasap.

Mınıstr «Dolce» kompanııasyna baryp, farmatseptıkalyq kásiporynnyń ónimderimen tanysty, tsehty aralady jáne kompanııadaǵylar óndiristik josparlarymen bólisti.

Mınıstr zaýytty aralap bolǵan soń, farmatsevtıkalyq kompanııanyń, Densaýlyq saqtaý mınıstrligi men vedomstvoǵa qarasty uıymdardyń qyzmetkerleriniń qatysýymen selektorlyq keńes ótkizdi.⠀

Onlaın jıynda medıtsına qyzmetkerlerin, halyqty qorǵanys quraldarymen qamtamasyz etý máselesi talqylandy.⠀

Eljan Birtanovtyń aıtýynsha, bastysy - turǵyndar men medıtsına qyzmetkerlerin koronavırýs ınfektsııasynan qorǵaıtyn maska jáne ózge de medıtsınalyq quraldarmen qamtamasyz etý qajet.⠀

Prezıdenttiń tapsyrmasyna sáıkes, elimizde koronavırýs pandemııasy kezinde sapaly qorǵanys quraldarynyń qory jetkilikti bolýy tıis.⠀

«Osy maqsatta biz otandyq taýar óndirýshilermen únemi baılanystamyz. Al «Dolce» elimiz boıynsha memlekettik tapsyrysty oryndaıtyn jáne Orta Azııa men TMD memleketterine medıtsınalyq buıym eksporttaıtyn qazaqstandyq kásiporyndardyń biri», - dedi mınıstr.⠀

Mınıstr keńes sońynda osy saladaǵy júıeni retke keltirý úshin birqatar tapsyrma berdi.

Aıta keterligi, «Dolce» kompanııasynda 400 jýyq adam jumys isteıdi. Zaýyt 110 astam medıtsınalyq buıym shyǵarady. Táýligine shamamen 300 myń medıtsınalyq maska óndiredi. Kompanııanyń barlyq ónimderi halyqaralyq standarttar boıynsha sertıfıkattalǵan.