Birtanov dári-dármekti artyǵymen satyp alý máselesin qalaı retteıdi
QR Densaýlyq saqtaý mınıstri Eljan Birtanovtyń aıtýynsha, aımaqtarda josparlaý jumysy durys júrgizilmeıdi. Sonyń saldarynan bir jerde dári-dármek jetispeı jatsa, endi bir jerde, kerisinshe, artyǵymen satyp alady. Oǵan qyrýar qarjy jumsalady.
«Jyldyń basynda «SK-Farmatsııa» keıbir aqparattyq júıelerdi ózara qosty. Osynyń nátıjesinde biz emxanalarǵa jetkiziletin dárilerdiń kólemin kórip otyramyz. Máselen, dáriger retsept jazyp berse, naýqas adam dárini aldy ma, almady ma, bunyń bárin kórýge bolady. Qansha dári qaldy, ony da kórýge múmkindik bar. Negizi, qazirgi kezde keıbir óńirlerde kóp dári-dármek qoımada jatyr. Sebebi ony satyp alýdy durys josparlamaǵan», - deıdi E.Birtanov.
Mınıstrdiń sózine qaraǵanda, búginde barlyq ákimderge naqty tapsyrma berildi. Naýqastardyń tizimin elektrondy formatqa aýystyrý qajet.
«Bir-eki aıda búkil jumysty bitirsek, ary qaraı kóremiz. Mysaly, naýqas kelip tirkeldi. Oǵan erekshe dıagnoz, máselen, dıabet qoıylsa, biz ony kórip otyramyz. Odan keıin qandaı dári-dármek kerek? Bunyń barlyǵy avtomatty túrde josparlanady. Elektrondy portal arqyly satyp alynady. Patsıentke SMS arqyly, ıa bolmasa, mobıldi qosymsha arqyly xabarlama túsedi. Ol dárini aldy ma, almady ma, jaýap beredi. Soǵan qaraı jospardy da jasaımyz», - dep atap kórsetti E.Birtanov.
Aıta keteıik, Úkimettiń keshegi otyrysynda QR Premer-Mınıstri Baqytjan Saǵyntaev artyq dári-dármek máselesin kóterdi. «Tsıfrovızatsııaǵa kóshkende Qazaqstan boıynsha tegin dári-dármekti satyp alýdy 35 protsentke azaıtýymyz qajet. Qazirgi kezde biz naqty suranysty bilmeıimiz. Sonyń saldarynan artyq aqshany shyǵaryp jatyrmyz. Dári-dármekti satyp alamyz. Al onyń bári qoımada jatady. Máselen, Qyzylorda men Mańǵystaý oblystarynda tegin dári-dármektiń 50 protsenti jaı jatyr. Demek, mıllıard teńgege jýyq aqsha artyǵymen jumsaldy», - dedi B.Saǵyntaev.
Sondaı-aq, QR Premer-Mınıstri Baqytjan Saǵyntaev tegin beriletin dári-dármektiń artyǵymen satyp alynýyn synǵa alǵan bolatyn.
