Birtanov aýrýhanada sábıge ystyq sýmen klızmanyń jasalýyna qatysty pikir bildirdi
NUR-SULTAN. QazAqparat - QR Densaýlyq saqtaý mınıstri Eljan Birtanov Shymkenttegi juqpaly aýrýlar aýrýhanasynda 10 aılyq sábıge ystyq sýmen klızma jasalý oqıǵasyna pikir bildirdi, dep habarlaıdy QazAqparat tilshisi.
«Osy máselege oraı Qoǵamdyq densaýlyqty baqylaý komıtetiniń tóraǵasy Jandarbek Bekshınge tapsyrma berdim. Bul jaǵdaı boıynsha arnaıy tekseris ótkizip, nátıjesin halyqqa jetkizemiz. Standartty buzý nemese meıirbıkelerdiń jumysynda tártip buzýshylyq bolsa, arnaıy jaýapkershilik máselesi sheshiledi. Ózim baqylaýda ustaımyn», - dedi mınıstr Úkimet otyrysynan keıingi baspasóz máslıhaty barysynda.
Aıta keteıik, elimizdiń birqatar basylymy Shymkenttegi juqpaly aýrýlar aýrýhanasynda 10 aılyq sábı ystyq sýmen klızma jasalǵannan keıin jansaqtaý bólimine túskendigin jazǵan bolatyn.
