Birtanov Almatydaǵy jeke aýrýhanada qaıtys bolǵan balanyń anasyna jaýap berdi
ASTANA. QazAqparat - QR Densaýlyq saqtaý mınıstri Eljan Birtanov Almatydaǵy jeke aýrýhanada qaıtys bolǵan Mıron Pavlovtyń anasy jibergen úndeýdi kórmegen, - dep habarlaıdy QazAqparat tilshisi.
«Bul aqparat týraly birinshi ret estip turmyn. Ony mindetti túrde tekseretin bolamyz. Kelip túsken shaǵymdarǵa jaýap beretin merzimderimiz bar. Apta saıyn turǵyndardan kelip túsken aryz-shaǵymdar maǵan baıandalyp turady. Seısenbi kúni ǵana kezekti baıandamany tyńdaǵanmyn. Bul úndeýdi kórgen joqpyz. Mindetti túrde istiń mán-jaıyn anyqtaımyz», - dep jaýap berdi mınıstr mınısrlik alqasynyń keńeıtilgen otyrysynda jýrnalısterdiń suraǵyna jaýap berip turyp.
Mıronnyń anasy 8 sáýir kúni mınıstrliktiń resmı saıtyna úndeý jazyp qaldyrǵan. Onda balasynyń shattaǵy jaryqty alyp tastaý otasynan keıin 13 kún boıy es-tússiz jatqanyn aıtqan.
«Balanyń komaǵa túskenin ata-anaǵa nege aıtpady? Ota durys júrgizildi me, narkoz durys salyndy ma? (...) Biz óz balamyzdyń ómiri úshin qatty alańdap otyrmyz! Ótinemiz, balamyzdy qutqaryńyzdarshy!», - delingen Rosına Pavlova jazbasynda.
25 sáýir kúni birqatar BAQ Mıron Pavlovtyń qaıtys bolǵanyn habarlady.
