Birtanov Almatydaǵy asa qaýipti vırýstar zerthanasynyń jumysy týraly aıtty

ASTANA. QazAqparat - Densaýlyq saqtaý mınıstri Eljan Birtanov Almatydaǵy M. Aıqymbaev atyndaǵy Qazaq karantındik jáne zoonozdyq ınfektsııalar ǵylymı ortalyǵy bazasyndaǵy ortalyq referens-zerthananyń jumysy jaıynda túsinik berdi, dep habarlaıdy QazAqparat tilshisi.

«Bul ǵylymı ortalyq kóp ýaqytan beri jumys istep keledi. Sodan beri onda asa qaýipti ınfektsııalardyń shtammdary saqtalyp keledi. Amerıkalyq áriptesterdiń kómegimen qaýipsizdigi joǵary zamanaýı zerthana salyndy. Endi bul shtammdar qaýipsizdik sharalary qatań ustanatyn jerde saqtalýda», - dedi mınıstr Ortalyq kommýnıkatsııalar qyzmetinde.

Osy oraıda ol menıngıt halyq arasynda taralyp júrgen kúndelik shtamm ekenin atap ótti.

«Olar osy referens-zerthanada saqtaýǵa jatatyn asa qaýipti sanatqa enbeıdi. Atalǵan referens-zerthanadan aýrýdyń taralýy bolǵan emes», - dedi vedomstvo basshysy tilshiler saýalyna jaýap bere otyryp.

Aıta keteıik, aǵymdaǵy jyly mınıngıtke shaldyǵý jaǵdaılarynyń basym bóligi Almatyda tirkeldi.

Jalpy, jyl basynan beri Qazaqstanda menıngıt ınfektsııasyn juqtyrǵan 58 naýqas tirkeldi. Olardyń 18-i 14 jasqa deıingi balalar. Bıyldan bastap atalǵan dertten 12 adam kóz jumdy.