Birneshe jýrnalıst kishi qajylyqqa sertıfıkat aldy - QMDB
ALMATY. 26 maýsym. QazAqparat - Búgin Almatyda Qazaqstan musylmandary dinı basqarmasy «Іzgilik jarshysy» syılyǵynyń jeńimpazdaryn marapattady.
Bas múftı Erjan qajy Malǵajyuly Nurlytaı Úrkimbaı, Esbolat Aıdabosyn, Serikbol Hasanǵa kishi (ýmra) qajylyqqa sertıfıkat tabys etti.
«Kishi qajylyqqa baratyn jýrnalıster sanyn aldaǵy ýaqytta onǵa deıin jetkizbekpiz. Ǵıbadat degen óte bir keremet nárse. Jalpy namaz oqyp júrgen adamda «men namaz oqımyn, anaý nege oqymaıdy» degen pikir bolmaýy kerek. Ol oqyp júrgen nárseńdi Alla taǵalaǵa mindetsiný. Namaz oqýdy bireý erte, bireý kesh bastaýy múmkin», - dedi Qazaqstan musylmandary dinı basqarmasynyń tóraǵasy, bas múftı E.Malǵajyuly.
