Birneshe salyq deklaratsııasynyń kúshi joıylýy múmkin

ASTANA. QazAqparat – Ulttyq ekonomıka mınıstri Álibek Qýantyrov jańa Salyq kodeksine birneshe salyq deklaratsııasynyń kúshin joıý týraly usynys engizilgenin aıtty, dep habarlaıdy QazAqparat tilshisi.

Qazirgi tańda jańa Salyq kodeksiniń jobasyn ázirleý jumystary júrgizilýde. Salyqtyq ákimshilendirýdi ońaılatýǵa jáne tsıfrlandyrýǵa erekshe nazar aýdarylatyn bolady. Búgingi tańda keıbir deklaratsııalardy usynýdyń kúshin joıý boıynsha usynystar ázirlendi. Bul salyq mindettemeleri 1 mln teńgeden az bolǵan kezde múlik salyǵy men jer salyǵy boıynsha aǵymdaǵy tólemderdi esepteýdiń kúshin joıýǵa, sondaı-aq bıznes sýbektileri úshin kólik salyǵy boıynsha eseptiń jáne deklaratsııanyń kúshin joıýǵa qatysty

, - dedi mınıstr.

Aıtýynsha, bereshek ótelmegen jaǵdaıda bank shottaryn jappaý, tek bereshek somasy mólsherinde ınkassalyq ókimder qoıý usynylyp otyr.

Sondaı-aq táýekelderdi basqarýdyń jańa júıesi negizinde tekserýlerdi taǵaıyndaý jáne josparly tekserýlerdi alyp tastaý usynylady. Baqylaý barysynda salyq tóleýshimen ózara is-qımyl tek salyq tóleýshiniń kabıneti arqyly jasaý usynylady. Oǵan qosa, platformalyq jumyspen qamtýdy ákimshilendirýde jańa tásil kózdelýde

, - dedi vedomstvo basshysy.