Birneshe saǵatqa keshiktirilgen reıs Sanıadan Almatyǵa ushyp shyqty
ASTANA. QazAqparat - Qytaıdyń Haınan aralyndaǵy shıpajaı qala Sanıada demalǵan qazaqstandyqtar belgilengen ýaqyttan birneshe saǵattan keıin Almatyǵa ushyp shyqty, dep habarlaıdy «QazAqparat» HAA tilshisi.
BAQ osyǵan deıin SCAT avıakompanııasynyń ushaǵymen 200 jolaýshy birneshe saǵatqa shegerilgen reıske bola Almatyǵa usha almaı otyrǵanyn habarlaǵan bolatyn. Buǵan Sanıa qalasyndaǵy áýejaıda ushaqtardyń ushýynyń shektelýi sebep bolǵan.
SCAT avıakompanııasynyń klıentterdi qoldaý ortalyǵy kóp ótpeı Sanıa-Almaty baǵytyndaǵy reıs jolaýshylary elge qaraı ushyp shyqqanyn jarııalady. Jolaýshylar Almatyǵy saǵat túngi on ekiler shamasynda jetedi.
