Birneshe ret atylǵan oq daýsy jurttyń záresin ushyrdy –Pavlodar
PAVLODAR. QazAqparat - Pavlodarlyq oqýshy pnevmatıkalyq tapanshamen oq atyp jurttyń záresin ushyrdy, dep habarlaıdy QazAqparat Ravlodarnews.kz-ke silteme jasap.
Úıinde pnevmatıkalyq pıstolet taýyp alǵan 12 jasar oqýshy aýlaǵa atýǵa ketken.
Oblystyq PD baspasóz qyzmetiniń málimetinshe, Kataev kóshesi, 44/5 úıdiń aýlasynda atysqa uqsas dybystardy estigen kórshiler polıtsııa shaqyrǵan.
- Biz 12 jastaǵy oqýshynyń 29 jastaǵy aǵasyna tıesili shkaftan pnevmatıkalyq tapansha tapqanyn anyqtadyq. Sodan keıin úıdiń aýlasynda bos syra bótelkelerin jınap, olardy atýdy bastaǵan. «MR-53m» markaly tapansha pnevmatıkalyq qarý bolyp tabylady jáne erkin aınalymda satylady, - dedi PD bastyǵynyń mindetin atqarýshy Jasqaırat Qaıyrov.
Kámeletke tolmaǵan balamen jáne onyń ata-anasymen osyndaı faktilerge jol bermeý jáne qarýdy balalardyń qoly jetpeıtin jerde saqtaý týraly profılaktıkalyq áńgime júrgizildi.
