Birneshe óńirde ózen sýynyń deńgeıi kóterilýi múmkin
NUR-SULTAN. QazAqparat - QR ІІM Tótenshe jaǵdaılar komıtetiniń tóraǵasy Vladımır Bekker nóser jańbyr saldarynan birneshe óńirde ózen deńgeıi kóterilýi múmkin ekendigin eskertti, dep habarlaıdy QazAqparat tilshisi.
«Qazgıdromettiń» habarlaýynsha, 5-6 maýsymda Soltústik Qazaqstan, Aqmola oblystarynda, 6 maýsymda Pavlodar oblysynda jańbyr kútiledi. Keı jerlerde kúshti jel turyp, soltústik-bastystan sekýndyna 15-25 metr jyldamdyqpen jel uıytqýy múmkin. Jekelegen aýdandarda tuman túsip, nóser sońy burshaqqa ulasady. Aýa temperatýrasy túnde 2-7 gradýsqa, túnde 10-15 gradýsqa deıin túsýi múmkin. Keı jerlerde tempertýra 18 gradýs deńgeıinde saqtalady. 5 maýsymda Qostanaı oblysynda da aýa temperatýrasy 2-7 gradýsqa deıin túsedi. Aýa raıy buzylýynyń yqtımaldyǵy- 85-90%» - dedi komıtet ókili búgin ІІM-de ótken baspasóz máslıhatynda.
Onyń aıtýynsha, birneshe oblysta tolassyz jaýyn áserinen ózenderdiń deńgeıi kóterilýi múmkin.
«Bul «Qazgıdromettiń» 3 maýsym kúngi málimeti. Al 4 maýsym kúngi aqparat boıynsha, 5-7 maýsym kúnderi Shyǵys Qazaqstan oblysynda, 6-7 maýsym aralyǵynda Jambyl, Túrkistan, Almaty oblystarynda jańbyr kútiledi. Keı jerlerde qatty jaýyn-shashyn saldarynan ózenderde sý deńgeıi kóterilýi múmkin» - dedi Vladımır Bekker.
