Birneshe óńirde daýyl turyp, burshaq jaýýy yqtımal
NUR-SULTAN. QazAqparat – 11 mamyrda Qazaqstannyń birneshe óńirinde kún raıy buzylady. Daýyldy eskertý jarııalandy, dep habarlaıdy QazAqparat «Qazgıdromet» RMK saıtyna silteme jasap.
Nur-Sultanda keı ýaqyttarda naızaǵaı oınaýy múmkin. Ońtústik-shyǵystan jel soǵady, ekpini 15-20 m/s jetedi.
Almaty oblysynda keı ýaqytta qatty jańbyr jaýyp, naızaǵaı túsýi múmkin. Soltústik-shyǵys jeli, naızaǵaı kezinde ekpini - 15-20 m/s, 25-28 m/s. Ońtústiginde jáne taýly aýdandarynda burshaq, daýyl, shańdy daýyl boljanady. Taldyqorǵan qalasynda naızaǵaı túsýi yqtımal.
Aqmola oblysynyń batysynda, soltústiginde, ońtústik-shyǵysynda naızaǵaı, shańdy daýyl boljanady. Ońtústik-shyǵystan soǵatyn jel ońtústik-batysqa aýysady. Oblystyń batysynda, soltústiginde, ońtústik-shyǵysynda jel ekpin - 15-20, 25 m/s. Kókshetaý qalasynda 11 mamyrda ońtústik-shyǵystan soǵatyn jel ońtústik-batysqa aýysady, túnde jáne tańerteń ekpini - 15 m/s.
Aqtóbe oblysynda ońtústik-batystan, batystan jel soǵady, túnde ekpini 15-20 m/s jetýi múmkin.
Batys Qazaqstan oblysynyń soltústiginde, batysynda jáne Oral qalasynda kúndiz naızaǵaı oınap, burshaq jaýyp, daýyl turýy yqtımal. Jel ońtústik-batystan soǵady. Oblystyń soltústiginde, batysynda, ońtústiginde jeldiń ekpini - 15-20 m/s bolmaq.
Qostanaı oblysynyń batysynda, soltústik-shyǵysynda naızaǵaı kútiledi. Ońtústik-shyǵystan soǵatyn jel ońtústik-batys jeline aýysady, oblystyń batysynda, soltústik-shyǵysynda ekpini - 15-20, 23 m/s. Qostanaı qalasynda ońtústik-shyǵystan soǵatyn jel ońtústik-batys jeline aýysady, kúshi - kúndiz 15-20 m/s deıin.
Mańǵystaý oblysynyń batysynda, soltústiginde, ortalyǵynda naızaǵaı, burshaq boljanady. Soltústik-batystan soǵatyn jel ońtústik-shyǵysqa aýysady, túnde oblystyń soltústiginde ekpini - 15-20 m/s. Aqtaý qalasynda kúndiz naızaǵaı túsýi múmkin.
Pavlodar oblysynyń ońtústiginde, batysynda naızaǵaı oınaýy yqtımal. Shyǵystan jel soǵady, kúndiz oblystyń soltústiginde ekpini - 18 m/s.
Túrkistan oblysynyń ońtústiginde, taýly, taý bókterli aýdandarynda naızaǵaı, daýyl boljanady. Soltústik-shyǵystan jel soǵady, naızaǵaı kezinde ekpini - 15-20 m/s. Shymkent qalasynda túnde jáne tańerteń naızaǵaı oınap, daýyl turýy múmkin. Soltústik-shyǵystan jel soǵady, naızaǵaı kezinde ekpini - 17-22 m/s.
Buǵan deıin mamyrda eki óńirde qatty qurǵaqshylyq bolýy múmkin ekenin jarııalaǵanbyz.
