Birneshe oblysta aýa raıyna baılanysty eskertý jarııalandy
NUR-SULTAN. QazAqparat - Qazaqstannyń birneshe oblysynda aýa raıyna baılanysty eskertý jarııalandy, dep habarlaıdy QazAqparat.
«Qazgıdromet» RMK taratqan aqparatqa sáıkes, 3 maýsymda Jambyl, Túrkistan, Almaty oblystarynda jáne Almaty qalasyna jaqyn aýmaqtarda jańbyr jaýýyna baılanysty, taý baýraılarynan aǵyndy sýlar aǵyp, ózenderdegi sý deńgeıi kóterilýi múmkin.
3 maýsym kúni túnde jáne 4-5 maýsym kúnderi Jambyl oblysynyń keı jerlerinde nóser jaýýy múmkin. Keı jerlerde naızaǵaı jarqyldaıdy, daýyl soǵyp, burshaq jaýýy yqtımal. Jel aldymen ońtústik-batystan, artynsha shyǵystan soǵady, ekpini 15-20 m/s-qa deıin jetýi múmkin. Tarazda 3-5 maýsym kúnderi oqtyn-oqtyn naızaǵaı oınap, daýyl soǵady, burshaq jaýýy múmkin. Jel aldymen ońtústik-batystan, artynsha shyǵystan soǵady, ekpini 15-20 m/s-qa deıin jetedi. Daýyl soǵý qaýpi 85-90 %.
3 maýsym kúni Batys Qazaqstan oblysynyń keı jerlerinde naızaǵaı jarqyldap, burshaq jaýýy múmkin. Jel aldymen ońtústik-shyǵystan, artynsha soltústik-batystan 15-20 m/s jyldamdyqpen soǵady. 3 maýsym kúni Oralda kúndiz naızaǵaı jarqyldaýy múmkin. Jel aldymen ońtústik-shyǵystan, artynsha soltústik-batystan 18 m/s jyldamdyqpen soǵady. Daýyl soǵý qaýpi 90-95 %.
3 maýsym kúni Qostanaı oblysynyń keı jerlerinde jel soltústik-batystan 15-20 m/s jyldamdyqpen soǵady, túnde jáne tańerteń keı jerlerde naızaǵaı jarqyldaıdy. Qostanaıda 3 maýsym kúni jel soltústik-batystan 15-20 m/s jyldamdyqpen soǵady, túnde naızaǵaı oınaıdy. Daýyl soǵý qaýpi 90-95 %.
3 maýsym kúni Soltústik Qazaqstan oblysynda túnde keı jerlerde naızaǵaı jarqyldaýy múmkin. Jel soltústik-batystan sekýndyna 15-20 metr jyldamdyqpen soǵady. Daýyl soǵý qaýpi 90-95 %.
