Birneshe myń adam Feısbýk arqyly shaqyrǵan týǵan kúnge qatysty
ASTANA. QazAqparat - Meksıkada Rýbı Garsııanyń 15 jasqa tolǵan týǵan kúni (kámeletke jasqa tolýy) úlken gala-kontsertke uqsap ótkizildi, ashyq aspan astyndaǵy bı alańynda myńdaǵan qonaqtar jınalyp, BAQ ókilderi osy jerden habar taratty. Qyz bala asa tanymal emes jáne ata-anasy da aýqatty kisiler emes.
Tek onyń ákesi týǵan kúndi atap ótýge dostary men kórshilerin Feısbýk arqyly shaqyrǵan. Alaıda onyń vıdeo shaqyrýyn júz myńnan astam adam tamashalady.
Rolıkte qyzdyń ákesi «barlyq jurtty saýyq keshke shaqyrdym» degenin jeli paıdalanýshylary qaz qalpynda uqqan, dep habarlaıdy Mashable.
Osy shaqyrý Meksıkada óte tanymal bolyp ketti. Mıllıondaǵan adamdar keshke mindetti túrde qatysatynyn málim etken. Fleshmobqa jergilikti juldyzdar da ún qosyp, tipti bir áýe kompanııasy qyz turyp jatqan San-Lýıs-Potosı qalasyna arnaıy reıs uıymdastyryp, oǵan jeńildik jasaǵan. Ol baǵdardyń uranyn «Sen de Rýbıdiń týǵan kúnine barasyń ba?» dep tańdap alǵan.
Bastapqyda atalmysh otbasy saýyq keshtiń osynshama jarııa bolyp ketkeninen seskenip, rolıkti kópshilik tamashalaı almaıtyn etip ózgertken. Alaıda keıin raılarynan qaıtyp barsha qonaqqa rancholarynyń esigi ashyq ekendikterin jetkizgen.
Aqyrynda toıǵa birneshe myń adam qatysty. Sol mańdy polıtseıler kúzetip, jedel járdem qyzmeti kezekshilik etti.
