Birneshe memorgandar basqarýdyń avtomatty júıesine kóshedi
Onyń aıtýynsha, ótken jyly QR Memlekettik qyzmet isteri jáne sybaılas jemqorlyqqa qarsy is-qımyl agenttiniń basshysy vedomstvodaǵy kadrlyq is júrgizýdi ortalyqtandyrý týraly sheshim qabyldaǵan. Sonyń nátıjesinde personaldardy basqarýdyń avtomattandyrylǵan biryńǵaı qyzmeti qurylǵan. Jobany júzege asyrý úsh kezeńge josparlanǵan.
«Birinshi kezeń - ótken jyldyń sáýirinen jeltoqsanǵa deıin kezeńde agenttik basasynda jobany engizý. Іlki joba engizilgenge deıin agenttik pen onyń 16 aýmaqtyq bólimshesinde kadr qyzmetiniń 28 qyzmetkeri bolǵan. Al jalpy qyzmetkerleri sany - 826 birlik. ıAǵnı, bir adam ortasha eseppen 29 adamǵa qyzmet kórsetken. Joba aıasynda 28 kadr qyzmetkeriniń 25-i ońtaılandyryldy. Búginde agenttik personaldaryn basqarý qyzmetinde ortalyq deńgeıdegi 3 memlekettik qyzmetshi jumys isteıdi. Al agenttiktiń kadrlyq is júrgizý óndirisi bizdiń ortalyqtyń 2 qyzmetkerimen qashyqtan júzege asyrylady. Osylaısha, búgingi kúni ortalyqtyń bir operatory agenttiktiń 413 qyzmetkerine qyzmet kórsetedi», - dedi ol.
B.Nurǵazıevanyń sózine qaraǵanda, qyzmetkerlerdi basqarýdyń avtomattandyrylǵan qyzmeti jobasyn engizýdiń ekinshi kezeńi 2019 jyldyń qańtary men 1 shildesi aralyǵynda júzege asyrylady. Bul rette Eńbek jáne halyqty áleýmettik qorǵaý, Aqparat jáne kommýnıkatsııalar, Qoǵamdyq damý mınıstrlikteri, Astana qalasy, Atyraý men Shyǵys Qazaqstan oblystarynyń ákimdikteri atalǵan jobany engizetin bolady.
Aıta keterligi, bul jobany iske qosýǵa Energetıka, Ulttyq ekonomıka, Qorǵanys jáne aeroǵarysh ónerkásibi mınıstrlikteri, Pavlodar men Mańǵystaý oblystarynyń ákimdikteri de qyzyǵýshylyq tanytyp otyr.
«Úshinshi kezeń - 2019 jyldyń 1 qańtarynan barlyq memlekettik organdarda personaldardy basqarýdyń avtomattandyrylǵan biryńǵaı qyzmeti jobasyn taratý», - dedi ol.