Birneshe márte para alǵan qyzylordalyq sheneýnik ustaldy
ASTANA. QazAqparat - Qyzylorda oblystyq qorǵanys ister departamentiniń bastyǵy birneshe márte para alǵany úshin ustaldy, dep habarlaıdy QazAqparat.
«Sybaılas jemqorlyqqa qarsy is-qımyl ulttyq bıýrosynyń Qyzylorda oblystyq departamenti oblystyq qorǵanys isteri departamentiniń bastyǵyna qatysty sotqa deıingi tergeý amaldaryn bastady. Oǵan 600 myń teńgeden astam somada birneshe márte para aldy degen kúdik keltirilýde», - delingen QR Memlekettik qyzmet isteri jáne sybaılas jemqorlyqqa qarsy kúres agenttigi taratqan aqparatta.
Vedomstvo málimetinshe, kúdikti 2017 jyldyń qarasha-jeltoqsan aılarynda baǵynyshty qyzmetkerlerinen kezekti áskerı ataq bergeni, tártiptik jaýapkershilikten bosatqany jáne qyzmet barysynda jalpy qamqorlyq kórsetkeni úshin júıeli negizde 20 myńnan 150 myń teńgege deıin aqsha alyp otyrǵandyǵy anyqtalǵan.
«Aǵymdaǵy jyldyń 4 qańtarynda departament bastyǵy ustalyp, Qyzylorda qalalyq ІІB ýaqytsha oqshaýlaǵyshyna qamaldy. Sotqa deıingi tergeý amaldary júrgizilýde», - dep atap ótken agenttikten.
