Birneshe márte para alǵan qostanaılyq kóshi-qon qyzmetiniń bastyǵy sottaldy

QOSTANAI. QazAqparat – Birneshe márte para aldy degen kúdikpen ustalǵan Qostanaı qalalyq polıtsııa basqarmasy kóshi-qon qyzmeti bóliminiń basshysy K.Baıjanovqa qatysty sotqa deıingi tergeý aıaqtaldy, dep habarlaıdy QazAqparat.

Oblystyq sybaılas jemqorlyqqa qarsy kúres qyzmetiniń málimetine súıensek, kúdikti K.Baıjanov shetel azamattary E.Manýkıan, I.Grebenıýk, A. Egıazarıan, M.Zakoıan jáne H. Mahmadova esimdi azamattardan jalpy qamqorlyǵy úshin 3 mln 10 myń teńge somasynda júıeli negizde para alǵan.

«K.Baıjanovqa G. Kravchýk járdem bergen. Kúdikti shetel azamattaryn elde turýǵa yqtııarhatty rásimdegeni úshin degen kúdikke ilindi. 2019 jyldyń 29 qazanyndaǵy Qostanaı qalasynyń №2 sotynyń úkimimen Baıjanovqa 6 jylǵa bas bostandyǵynan aıyrý jazasy taǵaıyndaldy. Sondaı-aq, ol memlekettik qyzmette laýazymdy qyzmetpen aınalysý jáne arnaıy ataq-shen alý quqyǵynan ómir boıyna aıyryldy», - delingen vedomstvonyń aqparatynda.

Osy úkimmen Kravchýk 4 jylǵa bas bostandyǵynan aıyryldy, al para berýshiler Manýkıan, Grebenıýk, Egıazarıan, Zakoıan jáne Mahmadovqa bergen paranyń on eselengen somasy mólsherinde aıyppul salyndy.